ആൺ സുഹൃത്ത് യുവതിയെ വീട്ടിൽ കയറി വെട്ടിപ്പരിക്കേൽപ്പിച്ചു; അക്രമികൾ തന്നെ യുവതിയെ ആശുപത്രിയിലെത്തിച്ചു; കടന്നുകളഞ്ഞു; അന്വേഷണം ഊർജിതമാക്കി പോലീസ്; സംഭവം നെയ്യാറ്റിൻകരയിൽ

തിരുവനന്തപുരം: ആൺ സുഹൃത്ത് യുവതിയെ വീട്ടിൽ കയറി വെട്ടിപ്പരിക്കേൽപ്പിച്ചു. തിരുവനന്തപുരം നെയ്യാറ്റിൻകരയിലാണ് സംഭവം നടന്നത്. 28 കാരിക്കാണ് വെട്ടേറ്റത്. ആക്രമണത്തിന് ശേഷം ഇയാൾ തന്നെ യുവതിയെ ആശുപത്രിയിൽ എത്തിച്ച ശേഷം കടന്നുകളയുകയായിരുന്നു.

നെയ്യാറ്റിൻകരയിലാണ് 28 കാരിക്ക് വെട്ടേറ്റത്. വെൺപകൽ സ്വദേശി സൂര്യക്കാണ് ആക്രമണത്തിൽ പരിക്ക് പറ്റിയത്. യുവതിയുടെ ആൺ സുഹൃത്താണ് വെട്ടിയതെന്നാണ് ലഭിക്കുന്ന വിവരങ്ങൾ. നെയ്യാറ്റിൻകരയിൽ ഉച്ചയോടെയാണ് സംഭവം നടന്നത്. സൂര്യയുടെ വീട്ടിൽ കയറി ആൺസുഹൃത്ത് ആക്രമിക്കുകയായിരുന്നു.

വെട്ടിയതിനു ശേഷം ആൺ സുഹൃത്തും സുഹൃത്തുക്കളും ചേർന്ന് സൂര്യയെ ബൈക്കിൽ ആശുപത്രിയിൽ എത്തിച്ച ശേഷം കടന്നു കളയുകയും ചെയ്തു. അതേസമയം, ഇവർക്കായി പൊലീസ് തെരച്ചിൽ ആരംഭിച്ചു. പരിക്കേറ്റ സൂര്യയെ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്.