ഒറ്റപ്പാലത്ത് നാലു വയസുകാരന്‍ കിണറ്റില്‍ വീണ് മരിച്ചു; അപകടം വീട്ടുമുറ്റത്ത് സൈക്കിള്‍ ഓടിക്കവെ

ഒറ്റപ്പാലം: വീട്ടുമുറ്റത്ത് കളിച്ചുകൊണ്ടിരിക്കെ നാലു വയസുകാരന്‍ കിണറ്റില്‍ വീണ് മരിച്ചു. ചൂനങ്ങാട് കിഴക്കേതില്‍തൊടി വീട്ടില്‍ ജിഷ്ണുവിന്റെ മകന്‍ അദ്വിലാണ് മരിച്ചത്. വീട്ടുമുറ്റത്ത് സൈക്കില്‍ ഓടിക്കവെ ചെങ്കല്ലുകൊണ്ട് കെട്ടിയ ആള്‍മറയില്ലാത്ത കിണറ്റിലാണ് വീണത്.

വീട്ടുകാരുടെ നിലവിളി കേട്ട് ഓടിയെത്തിയ നാട്ടുകാര്‍ കിണറ്റിലിറങ്ങി കുട്ടിയെ മുകളിലെത്തിച്ചെങ്കിലും മരിച്ചിരുന്നു. ഇന്ന് രാവിലെ 11.15 നാണ് അപകടം.