വീടിനു അടുത്തെ കുളത്തിൽ ചൂണ്ടയിടാനിറങ്ങി; കാൽ വഴുതി വീണ് ഏഴാം ക്ലാസുകാരന് ദാരുണാന്ത്യം; ദാരുണ സംഭവം കായംകുളത്ത്

ആലപ്പുഴ: കായംകുളത്ത് ഏഴാം ക്ലാസ് വിദ്യാര്‍ത്ഥി കുളത്തിൽ വീണ് മരിച്ചതായി വിവരങ്ങൾ. കായംകുളം ഭരണിക്കാവിൽ ഇന്ന് വൈകിട്ടോടെയാണ് ദാരുണമായ അപകടം നടന്നത്. ഭരണിക്കാവ് പള്ളിക്കൽ സ്വദേശി ജയന്റെ മകൻ അമർനാഥ് എന്ന അച്ചുവാണ് മരിച്ചത്.

വീടിനു സമീപത്തെ കുളത്തിൽ ചൂണ്ടയിടുന്നതിനിടയിൽ കാൽ തെറ്റി വീഴുകയായിരുന്നു. തുടർന്ന് കുട്ടിയെ കാണാത്തതിനെ തുടർന്ന് നടത്തിയ തിരച്ചിലാണ് കുളത്തിൽ മരിച്ച നിലയിൽ കണ്ടെത്തിയത്. സ്ഥലത്ത് പോലീസെത്തി മേൽനടപടികൾ സ്വീകരിച്ചു.