അച്ഛനൊപ്പം ചികിത്സക്കെത്തിയ അഞ്ച് വയസുകാരൻ കിണറ്റിൽ ചാടി മരിച്ചു; തെറാപ്പി പരിശീലനത്തിനെത്തിയപ്പോഴാണ് സംഭവമുണ്ടായത്; പിതാവും കൂടെ ചാടിയെങ്കിലും ജീവൻ രക്ഷിക്കാനായില്ല

പാലക്കാട്: അച്ഛനൊപ്പം ചികിത്സക്കെത്തിയ അഞ്ച് വയസുകാരൻ കിണറ്റിൽ ചാടി മരിച്ചു. കൂറ്റനാട് സ്വദേശികളായ സുരേഷ്, വിദ്യ ദമ്പതികളുടെ മകൻ ആഘോഷ് ആണ് മരിച്ചത്. പാലക്കാട് ആനക്കര സ്പെഷ്യൽ എജ്യൂക്കേഷൻ സെൻറിലായിരുന്നു ഞെട്ടിക്കുന്ന സംഭവമുണ്ടായത്.

പിതാവ് സുരേഷിനൊപ്പം ഹൈപ്പർ ആക്റ്റീവ് കുട്ടികൾക്കുള്ള തെറാപ്പി പരിശീലനത്തിനെത്തിയതായിരുന്നു കുട്ടി. കിണറ്റിൽ ചാടിയ കുഞ്ഞിനെ രക്ഷിക്കാൻ പിതാവും കൂടെ ചാടിയെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.