മലയാളി കുടുംബം സഞ്ചരിച്ച കാർ അപകടത്തിൽപ്പെട്ടു; ടോറസ് ലോറിയുമായി ഉഗ്ര ശബ്ദത്തിൽ കൂട്ടിയിടി; മൂന്ന് പേരുടെ നില അതീവ ഗുരുതരം; ആശുപത്രിയിൽ പ്രവേശിപ്പിച്ചു; സംഭവം കർണാടകയിൽ

ബേഗൂർ: കർണാടകയിലെ ബേഗൂരിൽ മലയാളികൾ സഞ്ചരിച്ച കാർ ലോറിയുമായി കൂട്ടിയിടിച്ച് അപകടത്തിൽപ്പെട്ടു. വയനാട് സ്വദേശികളായ ബഷീറും കുടുംബവും സഞ്ചരിച്ച വാഹനമാണ് അപകടത്തിൽപ്പെട്ടത്. അപകടത്തിൽ കാറിലുണ്ടായിരുന്ന നാല് പേരിൽ മൂന്നു പേർക്ക് പരിക്കേൽക്കുകയും ഇവരുടെ നില ഗുരുതരമാണെന്ന് റിപ്പോർട്ടുകളുണ്ട്.

ഇന്ന് രാവിലെയോടെയാണ് സംഭവം നടന്നത്. മലേഷ്യയിൽ നിന്ന് വിനോദയാത്ര കഴിഞ്ഞ് നാട്ടിലേക്ക് മടങ്ങുന്ന വഴിയാണ് ബഷീറിന്റെ കുടുംബം അപകടത്തിൽപ്പെട്ടത്. അപകടവിവരമറിഞ്ഞതിനെ തുടർന്ന് വയനാട്ടിൽ നിന്നുള്ള സുഹൃത്തുക്കളും ബന്ധുക്കളും സംഭവസ്ഥലത്തേക്ക് തിരിച്ചിട്ടുണ്ട്. പരിക്കേറ്റവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചിട്ടുണ്ട്. സ്ഥലത്ത് പോലീസെത്തി മേൽനടപടികൾ സ്വീകരിച്ചു.