പോലീസുകാരൻ ഓടിച്ച കാർ ഇടിച്ചു തെറിപ്പിച്ചത് മൂന്ന് വാഹനങ്ങളെ; പരിക്കേറ്റവർ എല്ലാം ആശുപത്രിയിൽ; അയാൾ മദ്യത്തിന്റെ പാതി ബോധത്തിലായിരുവെന്ന് നാട്ടുകാർ; സംഭവം മലപ്പുറത്ത്

മലപ്പുറം: മലപ്പുറം പാണ്ടിക്കാട് പോലീസ് സ്റ്റേഷനിലെ സിപിഒ (സിവിൽ പോലീസ് ഓഫീസർ) വി. രജീഷ് ഓടിച്ച കാർ മൂന്ന് വാഹനങ്ങളിൽ ഇടിച്ചതിനെത്തുടർന്ന് അപകടം. സംഭവത്തിൽ പരിക്കേറ്റവരെ ആശുപത്രിയിലേക്ക് മാറ്റി.

അപകടമുണ്ടാക്കിയതിന് പിന്നാലെ പോലീസ് ഉദ്യോഗസ്ഥനായ വി. രജീഷിനെ പോലീസ് കസ്റ്റഡിയിൽ എടുത്തു. ഇയാൾ മദ്യലഹരിയിലാണ് വാഹനമോടിച്ചതെന്ന് അപകടസ്ഥലത്തുണ്ടായിരുന്ന നാട്ടുകാർ ആരോപിക്കുന്നു.

പോലീസ് ഉദ്യോഗസ്ഥൻ സഞ്ചരിച്ച കാർ, ഒരു കാറിലും രണ്ട് ഇരുചക്ര വാഹനങ്ങളിലും ഇടിച്ചാണ് നിന്നത്. ഈ അപകടത്തിൽ വാഹനങ്ങൾക്ക് കേടുപാടുകൾ സംഭവിക്കുകയും യാത്രക്കാർക്ക് പരിക്കേൽക്കുകയും ചെയ്തു.