പോലീസ് ജീപ്പും കാറും സ്‌കൂട്ടറും കൂട്ടിയിടിച്ച് അപകടം; സ്ത്രീക്ക് ദാരുണാന്ത്യം‌; രണ്ട് പേർക്ക് പരിക്ക്

കാസർകോട്: കാസര്‍കോട് പടന്നക്കാട് ദേശീയ പാതയിൽ പോലീസ് ജീപ്പും കാറും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ സ്ത്രീക്ക് ദാരുണാന്ത്യം. ഇന്ന് രാവിലെ 10 മണിയോടെയാണ് സംഭവം. ഞാണിക്കടവ് സ്വദേശിനി സുഹറയാണ് മരിച്ചത്. പടന്നക്കാട് നെഹ്‌റു കോളേജ് സമീപം വെച്ചാണ് അപകടം ഉണ്ടായത്. പോലീസ് ജീപ്പ് സ്‌കൂട്ടിയില്‍ ഇടിച്ച ശേഷം നിയന്ത്രണം വിട്ട് കാറിൽ ഇടിക്കുകയായിരുന്നു.

വഴിയാത്രക്കാരിയായ സുഹറ കാറിനും മതിലിനും ഇടയിൽ കുടുങ്ങിപ്പോയി. സുഹ്റയെ ഉടൻ തന്നെ പരിയാരം മെഡിക്കല്‍ കോളേജ് ആശുപത്രിയില്‍ മരണം സ്ഥിരീകരിക്കുകയായിരുന്നു. സ്‌കൂട്ടര്‍ യാത്രക്കാരായ നീലേശ്വരം സ്വദേശി ചന്ദ്രന്‍, ഭാര്യ ബേബി എന്നിവര്‍ക്ക് പരിക്കേറ്റു. ഇവർ ചികിത്സയിലാണ്.