ബൈക്കിൽ കാറിടിച്ച് അപകടം; കാർ തലകീഴായി മറിഞ്ഞു; മൂന്ന് പേര്‍ക്ക് പരിക്ക്; ആശുപത്രിയിൽ പ്രവേശിപ്പിച്ചു; സംഭവം താമരശ്ശേരി ചുരത്തിൽ

കോഴിക്കോട്: ബൈക്കിൽ കാർ ഇടിച്ച് അപകടം. താമരശ്ശേരി ചുരത്തിലാണ് സംഭവം നടന്നത്. അപകടത്തിൽ കാർ തല കീഴായി മറിയുകയും ചെയ്തു. മൂന്ന് പേർക്ക് പരിക്കേറ്റു. ഇന്ന് ഉച്ചയ്ക്ക് പന്ത്രണ്ടരയോടെയാണ് അപകടം നടന്നത്. താമരശ്ശേരി ചുരം ഒന്നാം വളവിന് സമീപത്താണ് ബൈക്കിലിടിച്ച കാർ നിയന്ത്രണം വിട്ട് തലകീഴായി മറിഞ്ഞത്.

കർണാടക സ്വദേശികളാണ് കാറിൽ ഉണ്ടായിരുന്നത്. വെളിമണ്ണ സ്വദേശിയായ ഒരാൾക്കും പരിക്ക് പറ്റുകയും ചെയ്തു. കുടക് സ്വദേശികളായ കാർ യാത്രക്കാർ ഷെമീർ, ഷെഹീൻ, റെഹൂഖ് എന്നിവർക്കാണ് പരിക്ക് പറ്റിയത്.

ബൈക്ക് യാത്രികനായ മുനവ്വറിനെയും ഇവരെയും ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്ക് ​ഗുരുതരമല്ലെന്നാണ് വിവരങ്ങൾ. സ്ഥലത്ത് പോലീസെത്തി മേൽ നടപടികൾ സ്വീകരിച്ചു.