ദേശീയ പാതയിൽ ബൈക്കുമായി കുതിച്ചുപാഞ്ഞു; നിയന്ത്രണം വിട്ട് ഡിവൈഡറിൽ ഇടിച്ച് കയറി അപകടം; ബൈക്ക് രണ്ടായി മുറിഞ്ഞു; യുവാവിന് ഗുരുതര പരിക്ക്; ആശുപത്രിയിൽ പ്രവേശിപ്പിച്ചു

പാലക്കാട്: ആലത്തൂർ വാനൂരിൽ ദേശീയ പാതയിൽ ബൈക്കുമായി കുതിച്ചുപാഞ്ഞ യുവാവിന് ഗുരുതര പരിക്ക്. അടിപ്പാത നിർമ്മാണത്തിനായി വെച്ച ഡിവൈഡറിൽ ഇടിച്ച് ബൈക്ക് രണ്ടായി മുറിയുകയും ചെയ്തു.

ഇന്ന് ഉച്ചയ്ക്ക് ഒന്നരയോടെയായിരുന്നു സംഭവം നടന്നത്. അപകടത്തിൽ ബൈക്ക് യാത്രക്കാരൻ എരിമയൂർ സ്വദേശി അജയിന്‍റെ കാലിന് ഗുരുതര പരിക്ക് പറ്റുകയും ചെയ്തു. യുവാവിനെ ആശുപത്രിയിൽ പ്രവേശിപ്പിച്ചു.

അജയിന്‍റെ പൾസർ ബൈക്കാണ് അപകടത്തിൽപ്പെട്ടത്. ബൈക്ക് നിയന്ത്രം വെട്ട് ഡിവൈഡറിൽ ഇടിച്ച് കയറുകയായിരുന്നു. ഇടിയുടെ ആഘാതത്തിൽ ബൈക്കിന്‍റെ മുൻവശത്തെ ടയറടക്കമുള്ള ഭാഗം വേർപ്പെട്ട് തെറിച്ച് പോയി. അപകടം നടന്നപ്പോൾ തന്നെ നാട്ടുകാരാണ് ആശുപത്രിയിലാക്കിയത്.