മൂന്നുവാഹനങ്ങൾ തമ്മിൽ കൂട്ടിയിടിച്ച് അപകടം; ഓട്ടോറിക്ഷയിൽ സഞ്ചരിച്ച യാത്രക്കാരിക്ക് പരിക്ക്; സംഭവം ചടയമംഗലത്ത്

കൊല്ലം: ചടയമംഗലത്ത് മൂന്ന് വാഹനങ്ങൾ കൂട്ടിയിടിച്ച് അപകടം. ഈ അപകടത്തിൽ ഓട്ടോറിക്ഷയിലുണ്ടായിരുന്ന യാത്രക്കാരിക്ക് പരിക്കേറ്റു. ഇവരെ കടയ്ക്കലിലെ താലൂക്ക് ആശുപത്രിയിൽ പ്രവേശിപ്പിച്ചു.

നിലമേൽ ഭാഗത്തുനിന്നുവന്ന ഒരു കാറും ആയൂർ ഭാഗത്തുനിന്നുവന്ന മറ്റൊരു കാറും തമ്മിലാണ് ആദ്യം കൂട്ടിയിടിച്ചത്. ഈ അപകടത്തെത്തുടർന്ന് നിയന്ത്രണം വിട്ട ഒരു കാർ സമീപത്തുകൂടെ ഓവുകയായിരുന്ന ഓട്ടോറിക്ഷയിൽ ഇടിക്കുകയും മറിയുകയുമായിരുന്നു.

കൂടുതൽ വിവരങ്ങൾ ലഭ്യമായിട്ടില്ല. അപകടത്തെ തുടർന്ന് ചടയമംഗലം-കടയ്ക്കൽ റോഡിൽ ഗതാഗതതടസ്സമുണ്ടായി. സമീപവാസികളാണ് രക്ഷാപ്രവർത്തനങ്ങൾക്ക് നേതൃത്വം നൽകിയത്. ആശുപത്രിയിൽ പ്രവേശിപ്പിച്ച യാത്രക്കാരിയുടെ നില ഗുരുതരമല്ലെന്ന് പ്രാഥമിക റിപ്പോർട്ടുകൾ സൂചിപ്പിക്കുന്നു.