നിയന്ത്രണം വിട്ട ബുള്ളറ്റ് വൈദ്യുതി തൂണിൽ ഇടിച്ച് മറിഞ്ഞ് അപകടം; യുവാവിന് ദാരുണാന്ത്യം; കൂട്ടുകാരന്റെ നില അതീവ ഗുരുതരം; ദാരുണ സംഭവം മണ്ണഞ്ചേരിയിൽ

മണ്ണഞ്ചേരി: നിയന്ത്രണം വിട്ട ബുള്ളറ്റ് വൈദ്യുതി തൂണിൽ ഇടിച്ച് യുവാവ് മരിച്ചു. തീരദേശ റോഡിൽ കാട്ടൂർ പമ്പിന് സമീപമാണ് സംഭവം നടന്നത്. മാരാരിക്കുളം തെക്ക് പഞ്ചായത്ത് കാട്ടൂർ ആറാട്ടുകുളങ്ങര ജോസഫിന്‍റെ മകൻ അലോഷ്യസ് (ഷൈബിൻ-27) ആണ് മരിച്ചത്.

ഒപ്പം ഉണ്ടായിരുന്ന സുഹൃത്ത് ഗുരുതരാവസ്ഥയിലാണ്. ബുള്ളറ്റിന്റെ പിന്നിൽ ഇരിക്കുകയായിരുന്ന സുഹൃത്ത് ജിത്തു എറണാകുളം സ്വകാര്യ ആശുപത്രിയിൽ ചികിത്സയിൽ കഴിയുകയാണ്.

ക്രിസ്മസ് ദിനത്തിലാണ് അപകടം നടന്നത്. ഓമനപ്പുഴയിലെ സുഹൃത്തിന്‍റെ വീട്ടിലേക്ക് പോകവേ നിയന്ത്രണം വിട്ട് ബുള്ളറ്റ് വൈദ്യുതി തൂണിൽ ഇടിച്ച് മറിയുകയായിരുന്നു. അലോഷ്യസ് അപകട സ്ഥലത്ത് മരിച്ചു. ജിത്തുവിനെ ആദ്യം ആലപ്പുഴ മെഡിക്കൽ കോളജിൽ പ്രവേശിപ്പിച്ചിരിക്കുകയാണ്. പിന്നീട് എറണാകുളത്തെ സ്വകാര്യ ആശുപത്രിയിലേക്ക് മാറ്റുകയും ചെയ്തു.