തെങ്ങു വെട്ടുന്നതിനിടെ അപകടം; മെഷീൻ കഴുത്തിൽ കൊണ്ട് ഗുരുതര പരിക്ക്; ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല; ചേരാനല്ലൂരിൽ തൊഴിലാളിയ്ക്ക് ദാരുണാന്ത്യം

കൊച്ചി: എറണാകുളം ചേരാനല്ലൂരിൽ തെങ്ങു വെട്ടുന്നതിനിടെ ഉണ്ടായ അപകടത്തിൽ പരിക്കേറ്റയാൾ മരിച്ചു. കാക്കനാട് സ്വദേശി രവീന്ദ്രനാഥ് ആണ് മരിച്ചത്. തെങ്ങു മുറിക്കുന്നതിനിടെ അബദ്ധത്തിൽ മെഷീൻ കഴുത്തിൽ കൊണ്ട് പരിക്ക് പറ്റിയത്. ഗുരുതരമായി പരിക്കേറ്റ രവീന്ദ്രനാഥിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. എടയക്കുന്നത്ത് സ്വകാര്യ ഭൂമിയിലെ തെങ്ങ് മുറിക്കുന്നതിനിടയിലാണ് അപകടം ഉണ്ടായത്.

ഓല വെട്ടുന്നതിനിടയിൽ മെഷീൻ അബദ്ധത്തിൽ ഇയാളുടെ ശരീരത്തിൽ കൊള്ളുകയായിരുന്നു. രക്തം വാർന്ന് ഏറെ നേരെ ഇയാൾ തെങ്ങിന് മുകളിൽ തൂങ്ങിക്കിടക്കുകയായിരുന്നു. ഫയർഫോഴ്സെത്തിയെങ്കിലും സാധാരണ ​ഗോവണി ഉപയോ​ഗിച്ച് കയറാൻ കഴിഞ്ഞില്ല. പിന്നീട് താൽക്കാലിക സംവിധാനം കെട്ടിപ്പൊക്കിയാണ് മൃതദേഹം ഒടുവിൽ താഴേക്ക് എത്തിച്ചത്.