സ്‌കൂളിലേക്ക് പോവുന്ന കുട്ടികളെ നോട്ടമിട്ട് ബസിൽ കയറും; യാത്രക്കിടെ രണ്ട് വിദ്യാര്‍ത്ഥിനികളെ കടന്നുപിടിച്ചു; പ്രതിയെ കണ്ട് പൊലീസിന് തലവേദന

കോഴിക്കോട്: കോഴിക്കോട് നരിക്കുനി സ്വദേശി മേലേപ്പാട്ട് വീട്ടിൽ അബ്ദുള്‍ കരീം എന്നയാളെ കുന്നമംഗലം പോലീസ് പോക്‌സോ വകുപ്പ് പ്രകാരം വീണ്ടും അറസ്റ്റ് ചെയ്തു. സ്‌കൂളിലേക്ക് പോവുകയായിരുന്ന ചക്കാലക്കൽ ഹയർ സെക്കൻഡറി സ്‌കൂളിലെ രണ്ട് വിദ്യാര്‍ത്ഥിനികളെ ബസ്സിൽ ലൈംഗിക ഉദ്ദേശ്യത്തോടെ കയറിപ്പിടിച്ചതാണ് സംഭവം നടന്നത്.

യാത്രക്കാരനായിരുന്ന കരീം വിദ്യാര്‍ത്ഥിനികളെ ശരീരത്തിൽ കയറിപ്പിടിച്ചതായി പരാതിയിൽ പറയുന്നു. ഇതിനെ തുടർന്ന് വിദ്യാര്‍ത്ഥിനികൾ നൽകിയ പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റർ ചെയ്തു. കുന്നമംഗലം ഇൻസ്‌പെക്ടർ കിരൺ, സബ് ഇൻസ്‌പെക്ടർ നിധിൻ, സീനിയർ സിവിൽ പോലീസ് ഓഫീസർ വിപിൻ എന്നിവർ ചേർന്ന് ഇയാളുടെ വീട്ടിൽ വച്ചാണ് പിടികൂടിയത്.