എയര്‍പോര്‍ട്ടില്‍ വന്നിറിങ്ങിയ ആളെ കണ്ട് സംശയം; മനസ്സിൽ മിന്നി മറഞ്ഞ് കുറച്ച് സിനിമാ ഗാനങ്ങള്‍; അന്വേഷണത്തിൽ തെളിഞ്ഞത് വർഷങ്ങൾക്കു മുമ്പുള്ള ഒരു കേസ്; പ്രതിയെ കൈയ്യോടെ പൊക്കി
കോഴിക്കോട്: നിയമ വിരുദ്ധമായി സിനിമാ ഗാനങ്ങള്‍ ഡൗണ്‍ലോഡ് ചെയ്ത സംഭവവുമായി ബന്ധപ്പെട്ട് ജാമ്യത്തിലിറങ്ങി മുങ്ങിയ പ്രതിയെ പോലീസ് കൈയ്യോടെ പിടികൂടി. കോഴിക്കോട് ചേളന്നൂര്‍ സ്വദേശി കനോലി വീട്ടില്‍ രാഹുല്‍(37) ആണ് പിടിയിലായത്. കേസില്‍ ജാമ്യമെടുത്ത് വിദേശത്തേക്ക് കടന്ന രാഹുലിനെ നടക്കാവ് പോലീസാണ് അറസ്റ്റ് ചെയ്തത്.
സിനിമാഗാനങ്ങള്‍ നിര്‍മാതാവിന്റെ അനുവാദം ഇല്ലാതെ കോപ്പിറൈറ്റ് നിയമത്തിന് വിരുദ്ധമായി ഇയാള്‍ മൊബൈല്‍ ഫോണില്‍ റെക്കോര്‍ഡ് ചെയ്ത് നല്‍കിയെന്നതായിരുന്നു കേസ്. 2012 മെയിലാണ് സംഭവം നടനക്കുന്നത്. കോഴിക്കോട് മാവൂര്‍ റോഡിലെ മര്‍ക്കസ് കോംപ്ലക്സില്‍ സെല്‍സിറ്റി എന്ന കടയില്‍ വച്ചായിരുന്നു സംഭവം.
ജാമ്യത്തിലിറങ്ങിയ കോടതിയില്‍ ഹാജരാകാതെ വിദേശത്തേക്ക് കടന്നതിനെ തുടര്‍ന്ന് രാഹുലിനെതിരെ ലുക്കൗട്ട് നോട്ടീസ് പുറപ്പെടുവിപ്പിച്ചിരുന്നു. അതിനിടെ ഇന്ന് കരിപ്പൂര്‍ എയര്‍പോര്‍ട്ടില്‍ വന്നിറങ്ങിയ ഇയാളെ എസ്‌ഐ സുജീഷ്, സീനിയര്‍ സിവില്‍ പോലീസ് ഓഫീസര്‍ സന്ദീപ്, സിപിഒ അര്‍ജുന്‍ എന്നിവരങ്ങിയ സംഘം കസ്റ്റഡിയിൽ എടുക്കുകയായിരുന്നു. കോടതിയില്‍ ഹാജരാക്കിയ യുവാവിനെ റിമാൻഡ് ചെയ്തു.
