വിൽപ്പനക്കായി എത്തിച്ചത് എംഡിഎംഎ; പിന്നാലെ കമ്മീഷണർക്ക് രഹസ്യവിവരം ലഭിച്ചു; കേസിൽ കൂടുതൽ പേർ അറസ്റ്റിൽ

തിരുവനന്തപുരം: വിൽപ്പനക്കായി എത്തിച്ച എംഡിഎംഎ കൈവശം വെച്ച കേസുമായി ബന്ധപ്പെട്ട് കൂടുതൽ പേർ പിടിയിലായി. വിൽപ്പനക്കായി എത്തിച്ച 13.9 ഗ്രാം എംഡിഎംഎ കൈവശം വെച്ചതിന് തിരുമല സ്വദേശി ആകാശ് ഏപ്രിൽ 28ന് പിടിയിലായിരുന്നു.

ആകാശിനെ ചോദ്യം ചെയ്തപ്പോഴാണ് ഇയാളോടൊപ്പം കച്ചവടത്തിൽ പങ്കാളികളായിരുന്ന വലിയതുറ സ്വദേശികളായ സുനീഷ് (33), ജെഫീൻ (29), കല്ലിയൂർ സ്വദേശി അഭിഷേക്(24) എന്നിവരെ കുറിച്ച് രഹസ്യ വിവരം ലഭിക്കുന്നത്.

പിന്നാലെ കമ്മീഷണറുടെ നിർദേശ പ്രകാരം പേട്ട പോലീസ് ഇവരെ അറസ്റ്റ് ചെയ്യുകയായിരുന്നു. ഇൻസ്പെക്ടർ പ്രേംകുമാറിൻ്റെ നേതൃത്വത്തിലുള്ള പോലീസ് സംഘവും ഡാൻസാഫ് ടീമും സംയുക്തമായി നടത്തിയ അന്വേഷണത്തിലാണ് പ്രതികളെ അറസ്റ്റ് ചെയ്തത്. ഒടുവിൽ പ്രതികളെ റിമാൻഡ് ചെയ്തു.