സ്കൂട്ടറിൽ വരികയായിരുന്ന അന്യസംസ്ഥാന തൊഴിലാളിയുടെ മുഖഭാവത്തിൽ വ്യത്യാസം; തടഞ്ഞുനിർത്തി പരിശോധിച്ചപ്പോൾ കിട്ടിയത്; പത്ത് ഗ്രാമോളം ഹെറോയിൻ പിടിച്ചെടുത്തു; പ്രതിയെ കൈയ്യോടെ പൊക്കി എക്സൈസ്

എറണാകുളം: സ്കൂട്ടറിൽ കടത്തിക്കൊണ്ട് വരുകയായിരുന്ന ഹെറോയിനുമായി പെരുമ്പാവൂരിൽ അസം സ്വദേശിയെ എക്സൈസ് കൈയ്യോടെ പൊക്കി. അസം നകോൺ ജില്ലാക്കാരനായ അബു ഷെരീഫ് (29 വയസ്) എന്നയാളാണ് 9.6 ഗ്രാം ഹെറോയിനുമായി അറസ്റ്റിലായത്. പെരുമ്പാവൂർ എക്സൈസ് റേഞ്ച് ഇൻസ്‌പെക്ടർ കെ വിനോദിന്റെ നേതൃത്വത്തിൽ നടന്ന പരിശോധനയിലാണ് അബു ഷെരീഫിനെ പിടികൂടിയത്.

പരിശോധനയിൽ അസിസ്റ്റന്റ് എക്സൈസ് ഇൻസ്‌പെക്ടർ (ഗ്രേഡ്) സാബു വർഗീസ്, പ്രിവന്റീവ് ഓഫീസർ (ഗ്രേഡ്) ജസ്റ്റിൻ, വനിത സിവിൽ എക്സൈസ് ഓഫീസർ ശ്രീലക്ഷ്മി വിമൽ, സിവിൽ എക്സൈസ് ഓഫീസർ ഡ്രൈവർ ബിജു പോൾ എന്നിവരും പങ്കെടുക്കുകയും ചെയ്തു.