അടിച്ചുപൂസായി നിന്ന് തർക്കവും ബഹളവും; ബാർ പരിസരത്ത് കൂട്ടത്തല്ല്; തടിക്കഷ്ണവും ഹെൽമറ്റും ഉപയോ​ഗിച്ച് യുവാക്കളെ അടിച്ചുനുറുക്കി; ഓച്ചിറയിൽ മൂന്ന് പേർ അറസ്റ്റിൽ

കൊല്ലം: കൊല്ലം ഓച്ചിറയിൽ ബാർ പരിസരത്ത് യുവാക്കൾ തമ്മിൽ അടിയും ബഹളവും. പിന്നാലെ യുവാക്കൾക്ക് ക്രൂര മർദ്ദനം. തടി കഷ്ണം കൊണ്ടും ഹെൽമറ്റ് ഉപയോഗിച്ചും യുവാക്കളെ നാലംഗ സംഘം ആക്രമിക്കുകയായിരുന്നു. ഇന്നലെ വൈകിട്ട് ആയിരുന്നു സംഭവം നടന്നത്. കരുനാഗപ്പള്ളി സ്വദേശികളായ വിനീഷ്, ഷോബി എന്നിവർക്കാണ് മർദ്ദനമേറ്റത്. അക്രമി സംഘത്തിലെ മൂന്ന് പേരെ ഓച്ചിറ പോലീസ് പിടികൂടി.

അനന്തു, സിദ്ധാർത്ഥ്, റിനു എന്നിവരാണ് പിടിയിലായത്. ഇവർക്കൊപ്പമുണ്ടായി ഷിബു എന്ന പ്രതി ഒളിവിലാണ്. ഓച്ചിറ വലിയകുളങ്ങര സ്വദേശികളാണ് പ്രതികൾ. മദ്യലഹരിയിൽ ഉണ്ടായ തർക്കമാണ് ഒടുവിൽ ആക്രമണത്തിൽ കലാശിച്ചത് എന്നാണ് ലഭിക്കുന്ന വിവരങ്ങൾ.