മേഘാലയ പോലീസ് കസ്റ്റഡിയിൽ നിന്നും ചാടി; പ്രതി കൊച്ചിയിലെ പ്ലൈവുഡ് കമ്പനിയിൽ പണിക്ക് കയറി; ഒടുവിൽ പോലീസ് വലയിൽ കുടുങ്ങി; കൈയ്യോടെ പൊക്കി

കൊച്ചി: മേഘാലയ പോലീസിന്റെ കസ്റ്റഡിയിൽ നിന്നും ചാടി പോന്ന പ്രതി പെരുമ്പാവൂരിൽ പിടിയിലായി. പെരുമ്പാവൂർ കൊച്ചങ്ങാടിയിലെ പ്ലൈവുഡ് കമ്പനിയിൽ നിന്നാണ് ആസാം ഡിബ്രിഗഡ് സ്വദേശി രഞ്ജൻ ബോർഗോഹൈൻ പിടിയിലായത്. മേഘാലയയിലെ ഭക്ഷ്യ സംസ്കരണ സ്ഥാപനത്തിൽ നിന്ന് മോഷണം നടത്തിയതിനാണ് മേഘാലയ പോലീസ് ഇയാളെ അറസ്റ്റ് ചെയ്തത്.

പോലീസ് കസ്റ്റഡിയിൽ നിന്ന് ചാടിപ്പോന്ന ശേഷമാണ് ഇയാൾ പെരുമ്പാവൂരിൽ തൊഴിലാളിയായി ഒളിവിൽ കഴിഞ്ഞത്. പ്രതി പിടിയിലായതറിഞ്ഞ് മേഖാലയ പോലീസ് കൊച്ചിയിലെത്തി മറ്റ് നടപടിക്രമങ്ങൾ പൂർത്തീകരിച്ചു.