വയോധികയെ ആക്രമിച്ച് മാല മോഷ്ടിക്കാന്‍ ശ്രമം; ബഹളം വച്ചപ്പോള്‍ പ്രദേശവാസികള്‍ ഓടിക്കൂടിയതോടെ മോഷ്ടാക്കള്‍ രക്ഷപ്പെട്ടു; വീണ് വയോധിക്ക് കൈക്കും മുഖത്തും പരിക്ക്; സംഭവം കോഴിക്കോട്

കോഴിക്കോട്: വയോധികയെ ആക്രമിച്ച് സ്വര്‍ണമാല കവരാന്‍ ശ്രമം. കോഴിക്കോട് മാവൂരിലാണ് സംഭവം. 85 വയസുള്ള മാവൂര്‍ സ്വദേശി മുണ്ടിക്കല്‍താഴം നാരായണി അമ്മയെ ആണ് ആക്രമിച്ചത്. ബൈക്കിലെത്തിയ രണ്ട് പേര്‍ മാല മോഷ്ടിക്കാന്‍ ശ്രമിക്കുന്നതിനിടെ വയോധികയെ തള്ളിയിടുകയായിരുന്നു. വീഴ്ചയില്‍ വയോധികയുടെ കൈക്കും മുഖത്തും പരിക്കേറ്റു.

വൈകിട്ട് മൂന്ന് മണിക്കാണ്‌ സംഭവം. സ്വന്തം വീട്ടില്‍ നിന്നും തൊട്ടടുത്തുള്ള മറ്റൊരു വീട്ടിലേക്ക് പോകുകയായിരുന്നു. ഇവര്‍. വീണതോടെ ബഹളം വച്ച് പ്രതിരോധിച്ചതിനെ തുടര്‍ന്ന് പ്രദേശവാസികള്‍ ഓടിക്കൂടുകയായിരുന്നു. ആള്‍ക്കാര്‍ ഓടിയെത്തിയപ്പോള്‍ ബൈക്കിലുണ്ടായിരുന്നവര്‍ രക്ഷപ്പെട്ടു. മാവൂര്‍ പൊലീസ് സ്ഥലത്തെത്തി സംഭവത്തെക്കുറിച്ച് അന്വേഷണം നടത്തി. നാരായണി അമ്മയുടെ പരിക്ക് സാരമുള്ളതല്ല.