കൂട്ടം തെറ്റിയ കുട്ടിയാനയെ ആനക്കൂട്ടം കൈവിട്ടു; അമ്മയാനയും തേടി വന്നില്ല: ഇനി കുട്ടിയാനയുടെ താമസം മുത്തങ്ങയിലെ ആന ക്യാമ്പില്‍

കല്‍പ്പറ്റ: കൂട്ടം തെറ്റിയ കുഞ്ഞാനയെ ആനക്കുട്ടം കൈവിട്ടു. അമ്മയാനയും കുട്ടിയാനയെ തേടി വന്നില്ല. കഴിഞ്ഞ വെള്ളിയാഴ്ച കാട്ടിക്കുളം മുള്ളന്‍ കൊല്ലിയില്‍ ജനവാസ മേഖലയില്‍ കുട്ടിയാന എത്തിയത്. ആര്‍ആര്‍ടി പിടികൂടി തിരികെ ആനക്കൂട്ടത്തിന്റെ ഒപ്പം വിടാന്‍ ശ്രമിച്ചെങ്കിലും ആനക്കൂട്ടം കുട്ടിയാനയെ കൂട്ടാതെ പോയി. തുടര്‍ന്ന് കുട്ടിയാന വീണ്ടും ജനവാസമേഖലയില്‍ എത്തി.

കാട്ടിക്കുളം കാര്‍മല്‍ എസ്റ്റേറ്റിനു സമീപത്താണ് ഇന്ന് കുട്ടിയാനയെ കണ്ടത്. പിന്നാലെ വെറ്റിനറി ടീമിന്റെ നേതൃത്വത്തില്‍ കുട്ടിയാനയെ പിടികൂടി മുത്തങ്ങയിലെ ആന ക്യാമ്പിലേക്ക് മാറ്റി. ഒരു വയസ്സുള്ള കൊമ്പന്‍ കുഞ്ഞിന് കടുവയുടെ ആക്രമണത്തിലാണ് പരിക്കേറ്റത്. മതിയായ ചികിത്സ നല്‍കി ആന ക്യാമ്പില്‍ തന്നെ വളര്‍ത്താനാണ് തീരുമാനം.