അമ്മ ഭരണസമിതി പിരിച്ചുവിട്ടത് ഉചിതമായ തീരുമാനം; പുതിയ ഭാരവാഹികള്‍ അമ്പത് ശതമാനം സ്ത്രീകള്‍ ആകണമെന്ന് ഭാഗ്യലക്ഷ്മി
തിരുവനന്തപുരം: താര സംഘടനയായ അമ്മയുടെ ഭരണസമിതി പിരിച്ചുവിട്ടത് ഉചിതമായ തീരുമാനമാണെന്നും സ്വാഗതാര്‍ഹമാണെന്നും നടി ഭാഗ്യലക്ഷ്മി പറഞ്ഞു. ഭരണസമിതിയുടെ കൂട്ടരാജികൊണ്ട് മാത്രമായില്ല. തുടര്‍ നടപടികള്‍ കൂടി ഉണ്ടാകണം. ഇത്രയും ആരോപണം നേരിടുമ്പോള്‍ രാജി വെക്കേണ്ടത് കമ്മിറ്റിയുടെ ഉത്തരവാദിത്തമാണ്. അമ്മയില്‍ പുതിയ ഭാരവാഹികള്‍ 50 ശതമാനം സ്ത്രീകള്‍ ആകണമെന്നും ഭാഗ്യലക്ഷ്മി പറഞ്ഞു. ഓരോ ദിവസവും പുതിയ പേര് വന്നു കൊണ്ടിരിക്കുകയാണ്. സംഘടനയിലുള്ളവരുടെ ആശങ്ക പരിഹരിക്കാനുള്ള തീരുമാനം ഉചിതമാണ്. ഇനി ആരോപണങ്ങളില്‍ അന്വേഷണവുമായി സഹകരിക്കണം. ആരോപണം നേരിടുന്നവര്‍ അന്വേഷണവുമായി സഹകരിക്കുന്നത് സംബന്ധിച്ച് […]
തിരുവനന്തപുരം: താര സംഘടനയായ അമ്മയുടെ ഭരണസമിതി പിരിച്ചുവിട്ടത് ഉചിതമായ തീരുമാനമാണെന്നും സ്വാഗതാര്‍ഹമാണെന്നും നടി ഭാഗ്യലക്ഷ്മി പറഞ്ഞു. ഭരണസമിതിയുടെ കൂട്ടരാജികൊണ്ട് മാത്രമായില്ല. തുടര്‍ നടപടികള്‍ കൂടി ഉണ്ടാകണം. ഇത്രയും ആരോപണം നേരിടുമ്പോള്‍ രാജി വെക്കേണ്ടത് കമ്മിറ്റിയുടെ ഉത്തരവാദിത്തമാണ്. അമ്മയില്‍ പുതിയ ഭാരവാഹികള്‍ 50 ശതമാനം സ്ത്രീകള്‍ ആകണമെന്നും ഭാഗ്യലക്ഷ്മി പറഞ്ഞു.
ഓരോ ദിവസവും പുതിയ പേര് വന്നു കൊണ്ടിരിക്കുകയാണ്. സംഘടനയിലുള്ളവരുടെ ആശങ്ക പരിഹരിക്കാനുള്ള തീരുമാനം ഉചിതമാണ്. ഇനി ആരോപണങ്ങളില്‍ അന്വേഷണവുമായി സഹകരിക്കണം. ആരോപണം നേരിടുന്നവര്‍ അന്വേഷണവുമായി സഹകരിക്കുന്നത് സംബന്ധിച്ച് വ്യക്തിപരമായി തീരുമാനിക്കേണ്ട കാര്യമാണ്. നിലവില്‍ പരാതി പറഞ്ഞവര്‍ പൊലീസിന് മുന്നിലും പരാതി നല്‍കണം. നിയമത്തിന്റെ അവസാന വഴിയും തേടണമെന്നും ഭാഗ്യലക്ഷ്മി പറഞ്ഞു.
