ഓടിക്കൊണ്ടിരിക്കവേ ബോണറ്റിൽ നിന്നും കറുത്ത പുക ഉയർന്നു; തിരുവനന്തപുരത്ത് 'ബിഎംഡബ്ള്യു' കാർ കത്തി നശിച്ചു; യാത്രക്കാർ രക്ഷപ്പെട്ടത് തലനാരിഴയ്ക്ക്; വൻ അപകടം ഒഴിവായത് ഇങ്ങനെ!

തിരുവനന്തപുരം: ഓടിക്കൊണ്ടിരിക്കുന്ന ബിഎംഡബ്ലിയു കാർ കത്തി നശിച്ചതായി വിവരങ്ങൾ. തിരുവനന്തപുരത്താണ് സംഭവം നടന്നത്. വൈകുന്നേരത്തോടെ മുതലപ്പൊഴി ഹാർബറിന് സമീപമാണ് അപകടം നടന്നത്. കാറിൽ ഉണ്ടായിരുന്ന വർക്കല സ്വദേശിയും ടെക്നോ പാർക്ക് ജീവനക്കാരുനുമായ കൃഷ്ണ്ണനുണ്ണി ഓടിച്ച കാറാണ് കത്തിയത്.

ബോണറ്റിൽ നിന്നു പുക ഉയരുന്നതു കണ്ട ഉടൻ തന്നെ കാർ യാത്രക്കാരൻ പുറത്തേക്ക് ഓടിയതിനാൽ വൻ അപകടം ഒഴിവായി. വർക്കലയിൽ നിന്നും ടെക്നോപാർക്കിലേക്കുള്ള യാത്രക്കിടെയാണ് സംഭവം നടന്നത്. കോസ്റ്റൽ പോലീസും നാട്ടുകാരും ചേർന്ന് നീ നിയന്ത്രണ വിധേയമാക്കി. അതേസമയം, കാറിന് 12 വർഷത്തെ പഴക്കമുണ്ടെന്ന് പോലീസ് വ്യക്തമാക്കി.