രാത്രിയിൽ നടന്നുപോകുന്നതിനിടെ കാല്‍ നടയാത്രക്കാരനെ തല്ലിച്ചതച്ചു; നിലത്ത് വീണുപോയിട്ടും മർദ്ദനം തുടർന്നു; നിലവിളികേട്ട് നാട്ടുകാർ ഓടിയെത്തി; ഓട്ടോയിലെത്തിയ അക്രമികൾ പിടിയിൽ; സംഭവം കൊല്ലത്ത്
കൊല്ലം: രാത്രിയിൽ റോഡ് വശത്ത് കൂടി നടന്നു പോവുകയായിരുന്ന കാല്‍ നടയാത്രക്കാരനെ അതിക്രൂരമായി മർദിച്ചു. കൊല്ലം ആറ്റിങ്ങലിലാണ് സംഭവം നടന്നത്. ആറ്റിങ്ങൽ പാലസ് റോഡിലെ സ്വകാര്യ ബസ് സ്റ്റാന്‍ഡിന് മുന്നിലാണ് സംഭവം നടന്നത്.
ഒടുവിൽ അക്രമികളെ ബസ് സ്റ്റാന്‍ഡിലുണ്ടായിരുന്ന ബസ് ജീവനക്കാര്‍ ഉള്‍പ്പെടെ ചേര്‍ന്ന് പിടിച്ചുവെക്കുകയായിരുന്നു. പിന്നീട് പോലീസെത്തി രണ്ടുപേരെയും കസ്റ്റഡിയിൽ എടുത്തു. ആറ്റിങ്ങൽ കാട്ടുംപുറം സ്വദേശി മുരുകനെ (44) ആണ് ഓട്ടോയിൽ എത്തിയ രണ്ടംഗ സംഘം മര്‍ദിച്ചത്.
മുരുകൻ നടന്നുപോകുന്നതിനിടെ ഓട്ടോയിൽ എത്തിയ രണ്ടുപേര്‍ ത‍ടഞ്ഞുനിര്‍ത്തി അതിക്രൂരമായി മര്‍ദിക്കുകയായിരുന്നു. പലതവണ നിലത്തിട്ടും ഇവർ മര്‍ദ്ദിച്ചു. മുരുകനെ മര്‍ദ്ദിച്ചശേഷം രക്ഷപ്പെടാൻ ശ്രമിച്ച പ്രതികളെ ബസ് ജീവനക്കാരും നാട്ടുകാരും ചേര്‍ന്ന് പിടിച്ചുവെച്ചു.
തുടര്‍ന്ന് ആറ്റിങൽ പോലീസ് സ്ഥലത്തെത്തി പ്രതികളെ പിടികൂടി. മര്‍ദനത്തിന്‍റെ കാരണം ഇതുവരെ വ്യക്തമല്ല. പിന്നാലെ മര്‍ദനമേറ്റ മുരുകനെ ആശുപത്രിയിലേക്ക് മാറ്റുകയും ചെയ്തു.
