'ഒന്ന് രണ്ടറ്റം കൂട്ടിമുട്ടിച്ചതാ..'; രാവിലെ തന്നെ അമിത വേഗതയിലെത്തി ബസിന്റെ പരാക്രമം; ബൈക്കിലെത്തിയവർക്ക് പരിക്ക്; മുട്ടൻ പണി കൊടുത്ത് നാട്ടുകാർ

പാലക്കാട്‌: അമിത വേഗതയിൽ എത്തിയ ബസ് ബൈക്കിൽ ഇടിച്ചുണ്ടായ അപകടത്തിൽ ബൈക്ക് യാത്രിക‍ര്‍ക്ക് പരിക്ക് പറ്റി. പട്ടാമ്പിയിലാണ് സംഭവം നടന്നത്. പാലക്കാട്‌ പട്ടാമ്പി കൊപ്പം-പുലാമന്തോൾ റോഡിലാണ് അപകടം നടന്നത്.

മറ്റൊരു വാഹനത്തെ മറികടക്കുന്നതിനിടെ ബസ് ബൈക്കിൽ ഇടിക്കുകയായിരുന്നു. രാവിലെ 11:30 മണിയോടെയായിരുന്നു സംഭവം നടന്നത്. ഇടിയുടെ ആഘാതത്തിൽ ബൈക്കിൽ സഞ്ചരിച്ച ഒരു കുട്ടിയടക്കമുള്ളവർ റോഡിലേക്ക് തെറിച്ചുവീണു. ഇവർക്ക് പരിക്കേൽക്കുകയും ചെയ്തു.

ഇതോടെ പ്രകോപിതരായ നാട്ടുകാർ ബസ് തടഞ്ഞു നിർത്തുകയും ജീവനക്കാരും നാട്ടുകാരും തമ്മിൽ വാക്കേറ്റമുണ്ടാവുകയും ചെയ്തു. ഒടുവിൽ പൊലീസ് സ്ഥലത്തെത്തിയാണ് സ്ഥിതിഗതികൾ ശാന്തമാക്കിയത്.