താമരശ്ശേരി: സമയത്തെ ചൊല്ലിയുള്ള തർക്കത്തെ തുടർന്ന് ബസ് ജീവനക്കാർ തമ്മിലുണ്ടായ സംഘർഷത്തിൽ കണ്ടക്ടർക്ക് പരിക്ക്. ഞായറാഴ്ച വൈകുന്നേരം 5.30 ഓടെയാണ് സംഭവം. താമരശ്ശേരി പഴയ സ്റ്റാൻഡിനു സമീപത്തുനിന്നാണ് സ്വകാര്യ ബസ്സിന് ഉള്ളിൽ കയറി കണ്ടക്ടർ അടക്കമുള്ള ജീവനക്കാരെ മറ്റൊരു ബസ്സിലെ ജീവനക്കാർ ചേർന്ന് മർദ്ദിച്ചത്.

ഞായറാഴ്ച വൈകുന്നേരം 5.30-ഓടെ താമരശ്ശേരി പഴയ ബസ് സ്റ്റാൻഡിന് സമീപമായിരുന്നു സംഭവം. താമരശ്ശേരി-അടിവാരം റൂട്ടിലോടുന്ന 'സുൽത്താൻ' ബസിലെ ജീവനക്കാർ, കണ്ണപ്പൻകുണ്ട്-കോഴിക്കോട് റൂട്ടിൽ സർവീസ് നടത്തുന്ന 'അസീം' ബസിൽ അതിക്രമിച്ചു കയറി ജീവനക്കാരെ മർദ്ദിക്കുകയായിരുന്നുവെന്നാണ് പരാതി.

മർദ്ദനത്തിൽ പരിക്കേറ്റ 'അസീം' ബസിലെ കണ്ടക്ടറും ഈങ്ങാപ്പുഴ സ്വദേശിയുമായ നിയാസിനെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. സംഘർഷത്തിനിടെ നിയാസിന്റെ കൈവശമുണ്ടായിരുന്ന പണവും ബാഗും നിലത്ത് ചിതറിപ്പോയതായും പരാതിയിൽ പറയുന്നു. ചികിത്സ തേടിയ ശേഷം നിയാസ് താമരശ്ശേരി പോലീസ് സ്റ്റേഷനിൽ നേരിട്ടെത്തി പരാതി നൽകി. പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചിട്ടുണ്ട്

താമരശ്ശേരിബസ് ജീവനക്കാർസംഘർഷം

സ്വന്തം ലേഖകൻ