തലശ്ശേരി: കേരളോത്സവം ക്രിക്കറ്റ് ടൂർണമെന്റിന്റെ ഉദ്ഘാടനത്തിൽ കൂറ്റൻ സിക്സറടിച്ച് സമൂഹ മാധ്യമങ്ങളിൽ വൈറലായിരിക്കുകയാണ് കണ്ണൂർ ചൊക്ലി പഞ്ചായത്ത് പ്രസിഡൻറ് സി കെ രമ്യ. പ്രസിഡന്റിന്റെ ബാറ്റിംഗ് മികവ് കാണികളെയും അധികാരികളെയും ഒരുപോലെ ഞെട്ടിച്ചിരിക്കുകയാണ്. ഇതിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയും ഒട്ടനവധി പേർ ഇതിനെ പ്രശംസിക്കുകയും ചെയ്തു.

മന്ത്രി എം.ബി. രാജേഷും സ്പീക്കർ എ.എൻ. ഷംസീറും ഉൾപ്പെടെയുള്ള പ്രമുഖർ രമ്യയുടെ പ്രകടനത്തെ അഭിനന്ദിച്ചു. പഴയകാല സോഫ്റ്റ് ബോൾ താരമായിരുന്ന സി.കെ. രമ്യ, തനിക്ക് ക്രിക്കറ്റ് കളിയോടുള്ള ഇഷ്ടത്തെക്കുറിച്ചും പങ്കുവെച്ചു. ഉദ്ഘാടന ചടങ്ങിന് ശേഷം കളിക്കളത്തിൽ ഇറങ്ങിയ രമ്യ, അപ്രതീക്ഷിതമായി ബാറ്റ് ചെയ്യുകയായിരുന്നു. സംഭവത്തിന്റെ ദൃശ്യങ്ങൾ പ്രചരിച്ചതോടെ നിരവധി പേരാണ് രമ്യയെ അഭിനന്ദിച്ചുകൊണ്ട് രംഗത്തെത്തിയത്. സംഭവം കായിക പ്രേമികൾക്കിടയിൽ വലിയ ചർച്ചയായിട്ടുണ്ട്.

കേരളോത്സവം ക്രിക്കറ്റ് ടൂർണമെന്റിന്ചൊക്ലി പഞ്ചായത്ത് പ്രസിഡൻറ്സി കെ രമ്യ

സ്വന്തം ലേഖകൻ