യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി; മൃതദേഹം താമസസ്ഥലത്തെ മുറിയിൽ; സംഭവം മലപ്പുറത്ത്

മലപ്പുറം: യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. മലപ്പുറം തിരൂർ‍ പുല്ലൂരിലാണ് സംഭവം നടന്നത്.

വയനാട് മേപ്പാടി സ്വദേശി ഷബീറലി (40) ആണ് മരിച്ചത്. തിരൂരിലെ കോഴിമുട്ട വിതരണ കേന്ദ്രത്തിലെ ജീവനക്കാരനാണ് മരിച്ച ഷബീറലി.

താമസസ്ഥലത്തെ മുറിയിൽ നിന്നുമാണ് മൃതദേഹം കണ്ടെത്തിയത്. ഇപ്പോൾ മൃതദേഹം ആശുപത്രിയിലേക്ക് മാറ്റിയിട്ടുണ്ട്. സംഭവത്തിൽ അന്വേഷണം തുടങ്ങിയതായി പോലീസ് അറിയിച്ചു.