'ഓഫീസിൽ നിന്നും വീട്ടിലെത്തുമ്പോൾ വൈകുമെന്ന് പറഞ്ഞു';'പിന്നെ ഒരു വിവരവും ഇല്ല'; തിരൂരിലെ ഡെപ്യൂട്ടി തഹസിൽദാരെ കാണാനില്ലെന്ന് പരാതി; അന്വേഷണം തുടരുന്നു

മലപ്പുറം: തിരൂരിലെ ഡെപ്യൂട്ടി തഹസിൽദാരെ കാണാതായതായി റിപ്പോർട്ടുകൾ. തിരൂർ മാങ്ങാട്ടിരി സ്വദേശി ചാലിബ് പിബിയെയാണ് ഇന്നലെ വൈകിട്ട് മുതൽ കാണാതായിരിക്കുന്നത്. വൈകിട്ട് ഓഫീസിൽ നിന്നും ഇറങ്ങിയപ്പോൾ വൈകുമെന്ന വിവരം വീട്ടുകാർക്ക് നേരെത്തെ നിൽകിയിരുന്നു.

പക്ഷെ ഏറെ സമയം കഴിഞ്ഞിട്ടും കാണാതായതിനെ തുടർന്ന് ബന്ധുക്കൾ തിരൂർ പോലീസിൽ പരാതി നൽകുകയായിരുന്നു. ഫോൺ ‌സ്വിച്ച്ഡ് ഓഫാണ്. ഇന്നലെ രാത്രി കോഴിക്കോടാണ് ഫോണിൻ്റെ അവസാന ടവർ ലൊക്കേഷൻ.

ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവർ 9846506742, 9048485374, 9745124090 എന്ന നമ്പറിലോ അടുത്തുള്ള പോലീസ് സ്റ്റേഷനിലോ അറിയിക്കണമെന്ന് പോലീസ് അറിയിച്ചു. സംഭവത്തിൽ അന്വേഷണം തുടരുന്നു