പൊഴിയൂരില്‍ ക്ഷേത്രത്തില്‍ ശീവേലിക്കിടെ ആന ഇടഞ്ഞു; തിടമ്പ് പിടിച്ച ശാന്തിയെ കുടഞ്ഞ് താഴെ വീഴ്ത്തി; ക്ഷേത്ര ഗേറ്റുകളും മരങ്ങളും തകര്‍ത്തു; ആനയെ തളച്ചത് രാത്രി രണ്ടരയോടെ
പാറശാല (തിരുവനന്തപുരം): പൊഴിയൂര്‍ ശ്രീ മഹാദേവ ക്ഷേത്രത്തിലെ മേട തിരുവാതിര ഉത്സവത്തിന്റെ ഭാഗമായി വെള്ളിയാഴ്ച രാത്രി നടന്ന ശീവേലിക്കിടെ ആന ഇടഞ്ഞ് ഭീതിയുണ്ടാക്കി. രാത്രി 8.30ഓടെയായിരുന്നു ദേവസ്വത്തിന്റേതായ ശിവശങ്കരന്‍ എന്ന ആനയുടെ അതിക്രമം. രാത്രിയോടെ എത്തിയ കൂടുതല്‍ പാപ്പാന്മാരുടെ ഇടപെടലിലൂടെയാണ് രാത്രി 2.30ഓടെ ആനയെ തളക്കാന്‍ സാധിച്ചത്.
ശീവേലിക്കിടെ ആനയുടെ മേലിരുന്ന തിടമ്പ് പിടിച്ച ശാന്തിയെ ആന താഴെ വീഴ്ത്തി. തുടര്‍ന്ന് സമീപവശത്ത് നിന്നിരുന്ന പാപ്പാനെ ആക്രമിക്കാന്‍ ശ്രമിച്ചെങ്കിലും മറ്റൊരു പാപ്പാന്‍ ഇടപെട്ടത് വന്‍ ദുരന്തം ഒഴിവാക്കി. ആശങ്കച്ചെലുത്തിയ ആന ക്ഷേത്ര വളപ്പില്‍ ഓടിക്കൊണ്ടിരുന്ന ആന ഈ സമയം ഗേറ്റും മരങ്ങളും മേല്‍ക്കൂരയും ഭാഗികമായി തകര്‍ത്തു. പൊലീസും ക്ഷേത്ര പ്രവര്‍ത്തകരും ചേര്‍ന്ന് ജനങ്ങളെ സുരക്ഷിതമായി മാറ്റി നിര്‍ത്തിയതിനാല്‍ വലിയ ദുരന്തങ്ങളൊന്നും സംഭവിച്ചില്ല. ശേഷം സ്ഥിതി നിയന്ത്രിച്ച് ആനയെ തളച്ചതായി അധികൃതര്‍ അറിയിച്ചു.
