വൈകിട്ട് ബീച്ചിൽ എത്തിയവർ കണ്ടത് നെഞ്ചുലയ്ക്കുന്ന കാഴ്ച; ദിവസങ്ങൾ പഴക്കമുള്ള ആനയുടെ ജഡം കണ്ടെത്തി; സംഭവം എറണാകുളത്ത്

കൊച്ചി: ബീച്ചിൽ ആനയുടെ ജഡം കണ്ടെത്തി. എറണാകുളം ചെറായിലാണ് സംഭവം നടന്നത്. ഇന്ന് വൈകിട്ട് നാലരയോടെയാണ് പ്രദേശത്തുള്ളവരുടെ ശ്രദ്ധയിൽപ്പെട്ടത്. തുടർന്ന് പൊലീസിൽ വിവരമറിയിച്ചു.

ജഡം അഴുകിയ നിലയിലാണ്. ദിവസങ്ങൾ പഴക്കമുള്ളതാണെന്നാണ് മനസിലാക്കുന്നത്. വനംവകുപ്പ് അധികൃതർ എത്തിയ ശേഷം തുടർനടപടി സ്വീകരിക്കും.

മലയാറ്റൂർ ഡിവിഷന്റെ ഭാഗത്ത് നിന്നും ദിവസങ്ങൾക്ക് മുമ്പ് ആനകൾ ഒഴുക്കിൽപ്പെട്ടതായി വിവരമുണ്ടായിരുന്നു. ഇത് സംബന്ധിച്ച് സ്ഥിരീകരണം ഒന്നും വന്നിട്ടില്ല.