ആലപ്പുഴ ക്ഷേത്രത്തില്‍ മോഷണം; മോഷ്ണം പോയത് ക്ഷേത്രത്തിലെ 20 പവന്റെ തിരുവാഭവണങ്ങള്‍; സംഭവത്തിന് ശേഷം കീഴശാന്തി ഒളിവില്‍; ഇയാള്‍ക്കായി തിരിച്ചല്‍ ഊര്‍ജിതമാക്കി പോലീസ്
തുറവൂര്‍: ആലപ്പുഴയിലെ എഴുപുന്ന ശ്രീനാരായണപുരം ക്ഷേത്രത്തില്‍ നടന്ന ആഭരണ മോഷണം ഭക്തജനത്തെ ഞെട്ടിച്ചിരിക്കുകയാണ്. ക്ഷേത്രത്തിലെ 20 പവന്റെ തിരുവാഭരണങ്ങളാണ് നഷ്ടപ്പെട്ടത്. കിരീടം, രണ്ടു മാലകള്‍, മറ്റ് ആഭരണങ്ങള്‍ ഉള്‍പ്പെടുന്ന വിലയേറിയ സ്വര്‍ണാഭരണങ്ങളാണ് മോഷണം പോയത്. വിഷു ദിവസം രാത്രി ക്ഷേത്രത്തിലെ മേല്‍ശാന്തിയാണ് ആദ്യമായി മോഷണ വിവരം അറിഞ്ഞത്. ഉടനെ വിവരമറിഞ്ഞ അരൂര്‍ പൊലീസ് സ്ഥലത്തെത്തി തെളിവെടുപ്പ് നടത്തി. സംഭവസ്ഥലത്തുനിന്ന് ചില വിരലടയാളങ്ങളും സിസിടിവി ദൃശ്യങ്ങളും പൊലീസ് ശേഖരിച്ചിട്ടുണ്ട്.
മോഷണവുമായി ബന്ധപ്പെട്ട് ക്ഷേത്രത്തിലെ കീഴ്ശാന്തിയായ കൊല്ലം സ്വദേശി വല്‍സണ്‍ നമ്പൂതിരിയെ പ്രതിയെന്ന് സംശയിക്കുന്നു. ഇയാള്‍ സംഭവത്തിനു ശേഷം ഒളിവിലാണ്. അതുകൊണ്ട് തന്നെ ഇയാളാണ് ആഭരണം മോഷ്ടിച്ചതെന്നാണ് പോലീസിന്റെ പ്രാഥമിക നിഗമനം. പോലീസ് ഇയാളുടെ മൊബൈല്‍ ടവര്‍ ലൊക്കേഷനുകള്‍ ഉള്‍പ്പെടെ പരിശോധിച്ചു വരികയാണ്.
സംഭവത്തെ തുടര്‍ന്ന് ക്ഷേത്രഭക്തര്‍ക്കും നാട്ടുകാരിലും വലിയ ആശങ്കയാണ്. ക്ഷേത്രസമിതിയും ദേവസ്വം ബോര്‍ഡും പോലീസുമായി ചേര്‍ന്ന് അന്വേഷണ നടപടികള്‍ പുരോഗമിപ്പിച്ചുവരികയാണ്. കീഴ്ശാന്തിയെ ഉടന്‍ പിടികൂടി ആഭരണങ്ങള്‍ വീണ്ടെടുക്കണമെന്നാണ് നാട്ടുകാരുടെ ആവശ്യം.
