വീടിന് തീപിടിച്ച് വയോധിക മരിച്ചു; സംഭവം കോഴിക്കോട്; തീ ആളിപടരുന്നത് കണ്ടത് സമീപവാസികള്‍; ഫയര്‍ഫോഴ്‌സും പൊലീസും സംഭവ സ്ഥലത്ത് എത്തി

കോഴിക്കോട്: വീടിന് തീപിടിച്ച് വയോധിക മരിച്ചു. കോഴിക്കോട് വടകര വില്യാപ്പള്ളിയില്‍ ആണ് സംഭവം. ഇന്ന് രാത്രി ഏഴുമണിയോടെയാണ് വീടിന് തീപിടിച്ചത്.

വില്യാപ്പള്ളി സ്വദേശിനി നാരായണി ആണ് മരിച്ചത്. നാരായണി വീട്ടില്‍ തനിച്ചാണ് താമസിക്കുന്നത്. തീ ആളിപടരുന്നത് കണ്ടാണ് സമീപവാസികള്‍ വിവരം അറിഞ്ഞത്. തുടര്‍ന്ന് തീ അണച്ചെങ്കിലും നാരായണിയുടെ ജീവന്‍ രക്ഷിക്കാനായില്ല.

അതേസമയം വീടിന് എങ്ങനെയാണ് തീപിടിച്ചതെന്ന് വ്യക്തമല്ല. സ്ഥലത്ത് ഫയര്‍ഫോഴ്‌സും പൊലീസുമടക്കം എത്തിയിട്ടുണ്ട്.