എതിർദിശയിൽ നിന്നെത്തിയ കാർ ഇടിച്ചു; കെഎസ്ആർടിസി ബസിന്റെ ടയറുകൾ ആക്സിലടക്കം ഇളകിമാറി; അപകടമുണ്ടായത് ബസിൽ യാത്രക്കാരുണ്ടായിരുന്നു സമയം

കൊല്ലം: കൊല്ലം കൊട്ടാരക്കരയിൽ എതിർദിശയിൽ നിന്നെത്തിയ കാർ കെഎസ്ആർടിസി ബസിലിടിച്ച് അപകടം. അപടകടത്തിൽ കെഎസ്ആർടിസി ബസിന്റെ ടയറുകൾ ഇളകി മാറി. കാർ ബസിൻ്റെ പിൻഭാഗത്തെ ടയറിന് സമീപം ഇടിക്കുകയായിരുന്നു. രാവിലെ ഏഴ് മണിയോടെയാണ് അപകടമുണ്ടായത്.

ബസില്‍ നിറയെ യാത്രക്കാരുണ്ടായിരുന്നു സമയമാണ് അപകടമുണ്ടായത്. ഇടിയുടെ ആഘാതത്തിൽ കെഎസ്ആർടിസി ബസിന്റെ ആക്സിൽ അടക്കമാണ് ടയറുകൾ വേർപെട്ട് പോയത്. എന്നാൽ അപകടത്തിൽ ബസ് യാത്രക്കാർക്ക് പരിക്കില്ല. അതേസമയം കാറോടിച്ചിരുന്നയാൾക്ക് ചെറിയ പരിക്കേറ്റിട്ടുണ്ട്.