പമ്പയില്‍ നിന്നും നിലയ്ക്കലേക്ക് പോയ കെഎസ്ആര്‍ടിസി ബസിനു തീപിടിച്ചു; ആര്‍ക്കും പരിക്കില്ല

പത്തനംതിട്ട: പമ്പയില്‍ നിന്നും നിലയ്ക്കലേക്ക് പോയ കെഎസ്ആര്‍ടിസി ബസിനു തീപിടിച്ചു കത്തി നശിച്ചു. ചാലക്കയത്തിനും നിലയ്ക്കലിനും ഇടയിലെ വനമേഖലയിലെ 30ാം വളവില്‍ ഇന്നു പുലര്‍ച്ചെ 5.30ന് ആണ് സംഭവം. പമ്പയില്‍ നിന്നു നിലയ്ക്കലേക്കു പോയ ബസായിരുന്നു. ബസില്‍ പുക കണ്ടപ്പോള്‍ ഡ്രൈവര്‍ ബസ് നിര്‍ത്തി.

നിലയ്ക്കല്‍ നിന്നു തീര്‍ഥാടകരെ കയറ്റാന്‍ കാലിയായി പോകുകയായിരുന്നു. ബസ് ഭാഗികമായി കത്തിനശിച്ചു. ആര്‍ക്കും പരുക്കില്ല. പമ്പ, നിലയ്ക്കല്‍ എന്നിവിടങ്ങളില്‍ നിന്നുള്ള അഗ്‌നിരക്ഷാസേന എത്തിയാണ് തീ അണച്ചത്. സംഭവം അറിഞ്ഞ് ദേവസ്വം ബോര്‍ഡ് അംഗം എ.അജികുമാര്‍ സ്ഥലം സന്ദര്‍ശിച്ചു.