നിർത്തിയിട്ട ലോറിക്ക് മുകളിലേക്ക് മണ്ണിടിഞ്ഞു വീണു; ഒരാൾക്ക് ദാരുണാന്ത്യം; സംഭവം മൂന്നാറിൽ

മൂന്നാർ: നിർത്തിയിട്ട ലോറിക്ക് മുകളിലേക്ക് മണ്ണിടിഞ്ഞു വീണുണ്ടായ അപകടത്തിൽ ഒരാൾ മരിച്ചു. അന്താണിയാർ സ്വദേശി ​ഗണേശൻ മരിച്ചത്. മൂന്നാർ ​ഗവൺമെന്റ് കോളേജിന് സമീപത്താണ് മണ്ണിടിച്ചിലുണ്ടായത്. സംഭവത്തിൽ മണ്ണിടിച്ചിലിന് സാധ്യതയേറിയ പ്രദേശത്താണ് അപകടമുണ്ടായത്. ഗണേശനൊപ്പം വാഹനത്തിലുണ്ടായിരുന്ന മറ്റൊരാളെ രക്ഷിച്ചെന്നും സൂചനയുണ്ട്. എന്നാൽ ഇക്കാര്യത്തിൽ സ്ഥിരീകരണമെത്തിയിട്ടില്ല.

മണ്ണിടിഞ്ഞ് വീഴുന്നത് കണ്ടതിനെ തുടർന്ന് ​ഗണേശൻ ലോറി നിർത്തിയിട്ടിരിക്കുകയായിരുന്നു. ഇതിനിടെ മണ്ണും കല്ലും കുത്തിയൊലിച്ചെത്തി ലോറി താഴ്ചയിലേക്ക് പതിക്കുകയായിരുന്നു. വെളിച്ചവും ബഹളവും കേട്ട് ഓടിയെത്തിയ നാട്ടുകാരാണ് അ​ഗ്നിരക്ഷാസേനയെ വിവരമറിച്ചത്. തുടർന്ന് രക്ഷാപ്രവർത്തനം നടത്തി ​ഗണേശനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.