വൈദ്യുതി തൂണില്‍ ലോറി ഇടിച്ചത് മാത്രമേ ഓർമ്മയുള്ളൂ; പിന്നാലെ ദീർഘനേരം നഗരം ഇരുട്ടിൽ; പൊറുതിമുട്ടി ജനം; സംഭവം പെ​രു​മ്പാ​വൂ​രിൽ

പെ​രു​മ്പാ​വൂ​ര്‍: ലോ​റി ഇ​ടി​ച്ച് വൈദ്യുതി തൂ​ൺ വ​ള​ഞ്ഞ​തി​നെ തു​ട​ര്‍ന്ന് പെ​രു​മ്പാ​വൂ​ര്‍ ന​ഗ​ര​ത്തി​ലെ ഔ​ഷ​ധി ജ​ങ്ഷ​ൻ ഉ​ൾ​പ്പെ​ടെ പ്ര​ദേ​ശ​ങ്ങ​ളി​ൽ ശ​നി​യാ​ഴ്ച ഉ​ച്ച​യോ​ടെ ദീ​ർ​ഘ​നേ​രം വൈദ്യുതി വി​ത​ര​ണം മു​ട​ങ്ങി. ഉ​ച്ച​യ്ക്ക് 11.25ഓ​ടെ​യാ​ണ് സം​ഭ​വം. ഹ​രി​ഹ​ര​യ്യ​ർ റോ​ഡി​ലേ​ക്ക് തി​രി​ഞ്ഞ ട്രെ​യ്​​ല​ർ ലോ​റി​യു​ടെ പി​ൻ​ഭാ​ഗം ഇ​രു​മ്പ് തൂ​ണി​ലി​ടി​ച്ചാ​ണ് അ​പ​ക​ട​മു​ണ്ടാ​യ​ത്.

സം​ഭ​വ​ത്തെ തു​ട​ർ​ന്ന് പ്ര​ദേ​ശ​ത്തെ വൈ​ദ്യു​തി ക​മ്പി​ക​ൾ ഇ​ള​കി​യെ​യെ​ങ്കി​ലും വ​ലി​യ പൊ​ട്ടി​ത്തെ​റി ഒ​ഴി​വാ​യി. ഒ​രു മ​ണി​ക്കൂ​റി​ന് ശേ​ഷ​മാ​ണ് പ്ര​ദേ​ശ​ത്ത് വൈ​ദ്യു​തി പു​നഃ​സ്ഥാ​പി​ച്ച​ത്. ഇ​രു​ക​ി​ട​ങ്ങ​ളി​ലും വീ​തി കു​റ​വാ​യ​തി​നാ​ൽ റോ​ഡ് വ​ക്കി​ലാ​ണ് വൈ​ദ്യു​തി തൂ​ണു​ക​ൾ സ്ഥാ​പി​ച്ചി​രി​ക്കു​ന്ന​ത്. അ​തു​കൊ​ണ്ട് ത​ന്നെ, വാ​ഹ​ന​ങ്ങ​ൾ ഇ​ടി​ച്ച് വൈ​ദ്യു​തി ത​ക​രാ​റു​ണ്ടാ​കു​ന്ന​ത് പ​തി​വാ​ണെ​ന്ന് നാ​ട്ടു​കാ​ർ പ​റ​യു​ന്നു.

സ്ഥി​ര​മാ​യി ക​ട​ന്നു​പോ​കു​ന്ന വാ​ഹ​ന​ങ്ങ​ൾ​ക്ക് ഇ​വി​ടു​ത്തെ വ​ള​വി​നെ​ക്കു​റി​ച്ച് ധാരണയുണ്ടെങ്കിലും, അ​പ​രി​ചി​ത​ർ​ക്ക് ഇ​ത് ദു​രൂ​ഹ​ത​യാ​കാ​റു​ണ്ട്. കാ​ല​ടി ഭാ​ഗ​ത്തു​നി​ന്നു​ള്ള ബ​സു​ക​ളും വ​ലി​യ വാ​ഹ​ന​ങ്ങ​ളും തി​രി​ഞ്ഞു​പോ​കു​ന്ന ഈ ​റോ​ഡി​ൽ, വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ കാ​ൽ​ന​ട​ക്കാ​ർ​ക്ക് മാ​റി​നി​ൽ​ക്കാ​ൻ സ്ഥ​ല​മി​ല്ലാ​ത്ത​ത് കൂ​ടു​ത​ൽ പ്ര​ശ്‌​ന​ങ്ങ​ൾ ഉ​ണ്ടാ​ക്കു​ന്നു. ഇ​വി​ട​ത്തെ വീ​തി വ​ർ​ദ്ധി​പ്പി​ച്ച് വാ​ഹ​ന​ങ്ങ​ൾ​ക്ക് സൗ​ക​ര്യ​പ്ര​ദ​മാ​യി ക​ട​ന്നു​പോ​കാൻ സൗ​ക​ര്യ​മൊ​രു​ക്ക​ണ​മെ​ന്ന ആ​വ​ശ്യം നീ​ണ്ടു​നി​ൽ​ക്കു​ക​യാ​ണ്.