മലയാളി യുവ ഡോക്ടര്‍ മണിപ്പാലില്‍ മരിച്ച നിലയില്‍; മൃതദേഹം രാവിലെ നാട്ടിലെത്തിച്ചു

ചെറുവത്തൂര്‍/മംഗലാപുരം: ചെറുവത്തൂര്‍ സ്വദേശിയായ യുവഡോക്ടറെ കര്‍ണാടക മണിപ്പാലില്‍ മരിച്ച നിലയില്‍ കണ്ടെത്തി. തുരുത്തി മുസ്‌ലിം ജമാഅത്ത് കമ്മിറ്റി സെക്രട്ടറി ഷാഫി പള്ളിക്കണ്ടത്തിന്റെ മകനും ഡോ. ഗാലിബ് റഹ്‌മാന്‍ കുന്നത്ത് (27) ആണ് മരിച്ചത്.

മണിപ്പാല്‍ കസ്തൂര്‍ബ മെഡിക്കല്‍ കോളജില്‍ എം.ഡി വിദ്യാര്‍ഥിയാണ്. ഇന്നലെ വൈകീട്ടാണ് ഗാലിബ് റഹ്‌മാനെ താമസസ്ഥലത്ത് മരിച്ച നിലയില്‍ കണ്ടെത്തിയത്. വിവരം ലഭിച്ചതിനെ തുടര്‍ന്ന് ബന്ധുക്കള്‍ ഉടന്‍ തന്നെ മണിപ്പാലിലെത്തി മൃതദേഹം രാവിലെ നാട്ടിലെത്തിച്ചു. മാതാവ്: ആമിന കുന്നത്ത്. സഹോദരന്‍: അമീഷ് റഹ്‌മാന്‍.