കൽപ്പറ്റ: ദീപാവലി അവധിക്ക് വയനാട്ടിലെത്തിയ പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ യുവാവ് അറസ്റ്റിൽ. തമിഴ് നാട്ടിൽ നിന്നെത്തിയ പെൺകുട്ടിയെയാണ് യുവാവ് പീഡിപ്പിച്ചത്. സംഭവത്തിൽ പനമരം കുന്നുമ്മൽ വീട്ടിൽ അശ്വന്ത് (19) നെയാണ് പനമരം പൊലീസ് അറസ്റ്റ് ചെയ്തത്. പെൺകുട്ടിയുടെ ബന്ധുക്കളുടെ പരാതിയെ തുടർന്നാണ് അറസറ്റ്.

കരിമ്പുമ്മൽ ചുണ്ടക്കുന്നിലെ ബന്ധുവീട്ടിലേക്ക് വിരുന്നെത്തിയതായിരുന്നു പെൺകുട്ടി. പെൺകുട്ടി വിവരം അറിയിച്ചതിനെ തുടർന്ന് ബന്ധുക്കൾ പൊലീസിൽ പരാതി നൽകുകയായിരുന്നു. കേസെടുത്ത പൊലീസ് പ്രതിയെ കസ്റ്റഡിയിലെടുത്തു. വൈദ്യ പരിശോധനയ്ക്ക് ശേഷം അറസ്റ്റ് രേഖപ്പെടുത്തി മാനന്തവാടി പോക്സോ പ്രത്യേക കോടതിയിൽ ഹാജരാക്കി റിമാൻഡ് ചെയ്തു.

 

അറസ്റ്റിൽഗർഭിണിപെൺകുട്ടിവൈദ്യ പരിശോധന