അടച്ചിട്ട വീട്ടില്‍ യുവാവ് ജീവനൊടുക്കിയ നിലയില്‍; മൃതദേഹത്തിന് ഏഴ് ദിവസത്തെ പഴക്കം; സംഭവം കിളിമാനൂരില്‍
തിരുവനന്തപുരം: തിരുവനന്തപുരം കിളിമാനൂരില്‍ 46കാരനായ യുവാവിനെ വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. അരിവാരിക്കുഴി സ്വദേശി നബീല്‍ ആണ് മരിച്ചത്. മൃതദേഹത്തിന് ഏഴ് ദിവസത്തോളം പഴക്കമുണ്ടെന്നാണ് പ്രാഥമിക കണ്ടെത്തല്‍. നബീല്‍ അമ്മയുടെയും സഹോദരിയുടെയും സഹവാസിയായിരുന്നു. സഹോദരിയുടെ ചികിത്സ ആവശ്യമായി അമ്മ തിരുവനന്തപുരം മെഡിക്കല്‍ കോളജില്‍ കഴിയുകയായിരുന്നു. ഈ സമയം നബീല്‍ വീട്ടില്‍ തനിച്ചായിരുന്നത്.
അടുത്തിടെ നബീലിനെ വീട്ടിന് പുറത്തുനിന്ന് കണ്ടതായി അയല്‍വാസികള്‍ അറിയിച്ചു. പിന്നീട് വീട്ടില്‍ നിന്നും നബീലിനെ പുറത്ത് കാണാതെയായി. തുടര്‍ന്ന് നാട്ടുകാര്‍ നടത്തിയ പരിശോധനയിലാണ് മൃതദേഹം കണ്ടെത്തിയത്. മരണ കാരണം വ്യക്തമായിട്ടില്ല. നബീല്‍ മാനസികാസ്വാസ്ഥ്യത്തോടെ ജീവിതം നയിച്ചിരുന്നുവെന്ന് അയല്‍വാസികള്‍ പറയുന്നു. കിളിമാനൂര്‍ പൊലീസ് സ്ഥലത്തെത്തി പരിശോധന നടത്തി. പോസ്റ്റ്‌മോര്‍ട്ടത്തിനുശേഷം അന്തിമമായ തെളിവുകള്‍ ലഭിക്കുമെന്ന് പൊലീസ് അറിയിച്ചു. പോലീസ് കേസ് രജിസ്റ്റര്‍ ചെയ്തു, മരണകാരണം സംബന്ധിച്ച് വിശദമായ അന്വേഷണം ആരംഭിച്ചിട്ടുണ്ട്.
