പുലർച്ചെ വീടിന് സമീപത്ത് ദാരുണ കാഴ്ച; സ്ഥലത്ത് പോലീസും നാട്ടുകാരും തടിച്ചുകൂടി; ആലപ്പുഴയിൽ കാണാതായ ഗൃഹനാഥനെ കുളത്തിൽ മരിച്ച നിലയിൽ കണ്ടെത്തി; കാരണം വ്യക്തമല്ല; വൻ ദുരൂഹത

മണ്ണഞ്ചേരി: ആലപ്പുഴ മണ്ണഞ്ചേരിയിൽ വാടകവീട്ടിൽ താമസിച്ചിരുന്ന ഗൃഹനാഥനെ വീടിന് സമീപത്തെ കുളത്തിൽ മരിച്ച നിലയിൽ കണ്ടെത്തി. വ്യാഴാഴ്ച മുതൽ കാണാതായ റഫീഖ് (42) നെയാണ് ഇന്ന് പുലർച്ചെയാണ് മരിച്ച നിലയിൽ കണ്ടെത്തിയത്. കോട്ടയം സ്വദേശിയായ റഫീഖ് കാലങ്ങളായി മണ്ണഞ്ചേരി പഞ്ചായത്ത് 6-ാം വാർഡ് തറക്കോണം ഭാഗത്ത് കുടുംബത്തോടൊപ്പം വാടകക്ക് താമസിച്ചുവരികയായിരുന്നു.

റഫീഖിനെ കാണാതായതിനെ തുടർന്ന് നാട്ടുകാരും പോലീസും ചേർന്ന് തിരച്ചിൽ നടത്തിവരികയായിരുന്നു. തിരച്ചിലിനിടയിലാണ് വീടിന് സമീപത്തെ കുളത്തിൽ മൃതദേഹം കണ്ടെത്തിയത്. മരണകാരണം ഇതുവരെ വ്യക്തമായിട്ടില്ല. സംഭവത്തിൽ പോലീസ് കേസെടുത്തിട്ടുണ്ട്. മൃതദേഹം പോസ്റ്റ്‌മോർട്ടം നടപടികൾക്കായി ആശുപത്രിയിലേക്ക് മാറ്റി. റഫീഖിന്റെ ഭാര്യ: ജാസ്മി. മക്കൾ: സുൾഫിക്കർ, ആമിന.