മദ്യലഹരിയിൽ പണത്തെ ചൊല്ലി തർക്കം; ചടയമംഗലത്ത് മധ്യവയസ്കനെ സിമൻ്റ് കട്ട കൊണ്ട് തലയ്ക്ക് അടിച്ച് കൊന്നു; പ്രതി പിടിയിൽ

കൊല്ലം: ചടയമംഗലത്ത് മധ്യവയസ്കനെ സിമന്റ് കട്ടകൊണ്ട് തലയ്ക്കടിച്ച് കൊന്ന കേസിൽ പ്രതി പിടിയിൽ. ചടയമംഗലം സ്വദേശി നൗഷാദ് (53) ആണ് കൊല്ലപ്പെട്ടത്. കേസിൽ കരകുളം സ്വദേശി ദിജേഷിനെ പൊലീസ് കസ്റ്റഡിയിലെടുത്തു. ചടയമംഗലം ബിവറേജിന് സമീപം അടഞ്ഞുകിടക്കുന്ന കള്ള് ഷാപ്പിലാണ് കൊലപാതകം നടന്നത്.

മദ്യലഹരിയിലുണ്ടായ സാമ്പത്തിക തർക്കമാണ് കൊലപാതകത്തിന് കാരണമായതെന്ന് പൊലീസ് നിഗമനം. പ്രതിയായ ദിജേഷ്, നൗഷാദിന്റെ തലയ്ക്ക് സിമന്റ് കട്ടകൊണ്ട് ആഞ്ഞടിക്കുകയായിരുന്നു. സംഭവത്തെക്കുറിച്ച് പൊലീസ് കൂടുതൽ അന്വേഷണം നടത്തിവരികയാണ്.