വാക്കുതർക്കത്തിനൊടുവിൽ അരുംകൊല; അട്ടപ്പാടിയിൽ യുവാവിനെ വെട്ടിക്കൊലപ്പെടുത്തി; സുഹൃത്ത് ഒളിവിൽ; അന്വേഷണം ഊർജ്ജിതമാക്കി പോലീസ്

പാലക്കാട്: പാലക്കാട് അട്ടപ്പാടിയിൽ യുവാവിനെ വെട്ടിക്കൊലപ്പെടുത്തിയ സംഭവത്തിൽ പ്രതിക്കായി അന്വേഷണം ഊർജ്ജിതമാക്കി പോലീസ്. ആനക്കല്ല് സ്വദേശി മണികണ്ഠൻ (35) ആണ് കൊല്ലപ്പെട്ടത്. സംഭവത്തെക്കുറിച്ച് പൊലീസ് പറയുന്നത്, മദ്യലഹരിയിലായിരുന്ന പ്രതി ഈശ്വരൻ, മണികണ്ഠനെ വെട്ടി കൊലപ്പെടുത്തുകയായിരുന്നു എന്നാണ്.

ഇന്നലെ നടന്ന സംഭവത്തെ തുടർന്ന് പ്രതിയായ ഈശ്വരൻ ഓടി രക്ഷപ്പെട്ടു. ഇയാൾക്കായി പൊലീസ് വ്യാപകമായ തിരച്ചിൽ ആരംഭിച്ചിട്ടുണ്ട്. പ്രതിയെ ഉടൻ പിടികൂടാനാകുമെന്ന പ്രതീക്ഷയിലാണ് അന്വേഷണ സംഘം. പ്രതി മദ്യലഹരിയിലായിരുന്നുവെന്ന് പൊലീസ് പറഞ്ഞു. ഇരുവരും തമ്മിലുള്ള വാക്കുതർക്കമാണ് കൊലപാതകത്തിൽ കലാശിച്ചതെന്ന് പൊലീസ് പറയുന്നു.