കാടുവെട്ടുന്ന യന്ത്രം ഉപയോഗിച്ച് യുവാവിനെ കഴുത്തറുത്ത് കൊന്നു; സംഭവം മഞ്ചേരിയില്‍; വാക്ക് തര്‍ക്കം പിന്നീട് കൊലപാകത്തിലേക്ക് എത്തുകയായിരുന്നു എന്ന് പോലീസ്
മലപ്പുറം: മലപ്പുറം ജില്ലയിലെ മഞ്ചേരി പ്രദേശത്ത് ഇന്ന് രാവിലെ നാടിനെ നടുക്കിയ കൊലപാതകം. ചാത്തങ്ങോട്ടുപുറം സ്വദേശിയായ പ്രവീണ്‍ (വയസ്സ് വ്യക്തമല്ല) കൊല്ലപ്പെട്ട നിലയിലാണ് കണ്ടെത്തിയത്. കൊലപാതകവുമായി ബന്ധപ്പെട്ട് ചാരങ്കാവ് സ്വദേശി മൊയ്തീന്‍കുട്ടിയെ പൊലീസ് കസ്റ്റഡിയില്‍ എടുത്തിട്ടുണ്ട്.
റിപ്പോര്‍ട്ടുകള്‍ പ്രകാരം, ഇരുവരും തമ്മില്‍ തര്‍ക്കമുണ്ടായതിനെ തുടര്‍ന്നാണ് സംഭവം. വാക്ക് തര്‍ക്കം കൈയേറ്റത്തിലേക്ക് എത്തിയതോടെ പ്രതി സമീപത്തുണ്ടായിരുന്ന കാടുവെട്ട് യന്ത്രം ഉപയോഗിച്ച് പ്രവീണിന്റെ കഴുത്തില്‍ ആക്രമണം നടത്തുകയായിരുന്നു. ഗുരുതരമായ മുറിവേറ്റ് പ്രവീണ്‍ സംഭവസ്ഥലത്ത് തന്നെ മരിക്കുകയായിരുന്നു.
സംഭവം രാവിലെ ഏഴുമണിയോടെയാണ് നടന്നത്. പ്രവീണ്‍ മരിച്ച് കിടക്കുന്നത് കണ്ട് ഞെട്ടിയ നാട്ടുകാര്‍ ഉടന്‍ പൊലീസിനെ അറിയിക്കുകയും, മഞ്ചേരി പൊലീസ് ടീം സ്ഥലത്തെത്തി അന്വേഷണം ആരംഭിക്കുകയും ചെയ്തു. തുടര്‍ന്ന് പ്രതിയെ സ്ഥലത്തുനിന്ന് പിടികൂടി കസ്റ്റഡിയിലെടുത്തു. പോലീസ് അധികൃതര്‍ കൊലപാതകത്തിന്റെ പിന്നിലെ കാരണം വ്യക്തമാക്കാനുള്ള അന്വേഷണം തുടരുകയാണെന്ന് അറിയിച്ചു.
