രാജ്യാന്തര അനിമേഷന്‍ പുരസ്‌കാരം ഐഐടി ഗുവാഹത്തി വിദ്യാര്‍ത്ഥികള്‍ക്ക്: നാലംഗ സംഘത്തിലെ രണ്ടു പേര്‍ മലയാളികള്‍
രാജ്യാന്തര അനിമേഷന്‍ പുരസ്‌കാരം ഐഐടി ഗുവാഹത്തി വിദ്യാര്‍ത്ഥികള്‍ക്ക്
ന്യൂഡല്‍ഹി: ഐഐടി ഗുവാഹത്തിയില്‍നിന്നുള്ള വിദ്യാര്‍ഥിസംഘത്തിന് രാജ്യാന്തര അനിമേഷന്‍ പുരസ്‌കാരം. നാലംഗ സംഘത്തിലെ രണ്ടു പേര്‍ മലയാളികളാണ്. കോഴിക്കോട് രാമനാട്ടുകര സ്വദേശി അസീല്‍ പാഷ, അടൂര്‍ സ്വദേശി എസ്.ബാലശങ്കര്‍, കൊല്‍ക്കത്ത സ്വദേശി അരിന്‍ ബന്ദോപാധ്യായ, പുണെ സ്വദേശി ആദിത്യ രവി പവാര്‍ എന്നിവരാണു 24 അവേഴ്‌സ് അനിമേഷന്‍ കോണ്ടസ്റ്റിന്റെ ഈ വര്‍ഷത്തെ പതിപ്പില്‍ ഒന്നാം സ്ഥാനം നേടിയത്.
മുപ്പത് സെക്കന്‍ഡുള്ള അനിമേഷന്‍ ചിത്രമാണ് ഇവര്‍ തയാര്‍ ചെയ്തത്. മത്സരത്തില്‍ ഇതാദ്യമായാണ് ഒരു ഇന്ത്യന്‍ ടീമിന് ഒന്നാം സ്ഥാനം ലഭിക്കുന്നത്. 35 രാജ്യങ്ങളില്‍നിന്നായി 3820 വിദ്യാര്‍ഥികള്‍ മത്സരത്തില്‍ പങ്കെടുത്തു. അടൂര്‍ മൂന്നാളം ശ്രാവണത്തില്‍ റിട്ട. ഫാര്‍മസിസ്റ്റ് എച്ച്.സുരേഷ് കുമാറിന്റെയും പി.രഞ്ജിനിയുടെയും മകനാണ് ബാലശങ്കര്‍. രാമനാട്ടുകര പട്ടായിപ്പാടം പാഷാസ് എസ്റ്റാന്‍ഷ്യയില്‍ എന്‍ജിനീയര്‍ സാജിദ് പാഷയുടെയും ഡോ. സറീനയുടെയും മകനാണ് അസീല്‍.
