കുമ്പഴ മല്ലശേരിമുക്കില്‍ നിയന്ത്രണം വിട്ട കാര്‍ തലകീഴായി മറിഞ്ഞ് നാലു പേര്‍ക്ക് പരുക്ക്

കുമ്പഴ: പുനലൂര്‍-മുവാറ്റുപുഴ സംസ്ഥാന പാതയില്‍ കുമ്പഴ മല്ലശ്ശേരി മുക്കില്‍ കാര്‍ നിയന്ത്രണം വിട്ട് തലകീഴായി മറിഞ്ഞ് നാലുപേര്‍ക്ക് പരുക്ക്. ഉച്ചയ്ക്ക് 12 മണിയോടെയാണ് അപകടം. കുമ്പഴ ഭാഗത്ത് നിന്നും വന്ന കാര്‍ മല്ലശ്ശേരി മുക്ക് ഐസ് ഫാക്ടറിക്ക് മുന്‍ഭാഗത്ത് റോഡിലേക്ക് തള്ളി നില്‍ക്കുന്ന കലുങ്കിലേക്ക് ഇടിച്ചുകയറി തല കീഴായി മറിയുകയായിരുന്നു. സമീപത്തെ ഐസ് ഫാക്ടറിയിലെ ജീവനക്കാരും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. പരുക്കേറ്റ സ്ത്രീകള്‍ അടക്കം ഉള്ള യാത്രക്കാരെ ജനറല്‍ ആശുപത്രിയില്‍ എത്തിച്ചു. രണ്ട് പേരുടെ പരുക്ക് സാരമുള്ളതാണ്. പട്ടാഴി സ്വദേശി പ്രസന്ന കുമാര്‍, വകയാര്‍ സ്വദേശി പുഷ്പകല എന്നിവര്‍ക്കാണ് സാരമായ പരുക്കുള്ളത്. കാറിലുണ്ടായിരുന്നവര്‍ ബന്ധുക്കളാണ്