ഗവര്‍ണ്ണറുടെ കാറില്‍ ഇടിച്ചത് ഡല്‍ഹി കേരളാ ഹൗസ് ലോ ഓഫീസറുടെ കാര്‍; വാഹനമിടിച്ചതിന് പിന്നാലെ ലോ ഓഫീസര്‍ ഗവര്‍ണറുടെ സുരക്ഷാ ജീവനക്കാരോട് തട്ടിക്കയറി; പോലീസ് റിപ്പോര്‍ട്ട് നിര്‍ണ്ണായകം

ന്യൂഡല്‍ഹി: ഡല്‍ഹി കേരളാ ഹൗസ് ലോ ഓഫീസറുടെ കാര്‍ ഗവര്‍ണറുടെ വാഹനത്തില്‍ ഇടിച്ചു. കൊച്ചിന്‍ ഹൗസ് ഭാഗത്ത് ഗവര്‍ണര്‍ ആരിഫ് മുഹമ്മദ് ഖാന്റെ കാര്‍ നിര്‍ത്തിയിട്ട സമയത്താണ് അപകടം.

കാറിന്റെ മുന്‍ഭാഗത്ത് കേടുപാടുണ്ട്. രാവിലെ എട്ടേമുക്കാലോടെയാണ് സംഭവം. വാഹനമിടിച്ചതിന് പിന്നാലെ ലോ ഓഫീസര്‍ ഗവര്‍ണറുടെ സുരക്ഷാ ജീവനക്കാരോട് തട്ടിക്കയറി. ഗവര്‍ണറുടെ കാര്‍ ഇവിടെയല്ല പാര്‍ക്ക് ചെയ്യേണ്ടതെന്ന് പറഞ്ഞാണ് ഇവര്‍ ഉദ്യോഗസ്ഥരോട് തര്‍ക്കിച്ചത്. സംഭവത്തില്‍ കേരളാ പോലീസും സിആര്‍പിഎഫും റസിഡന്റ് കമ്മീഷണര്‍ക്ക് റിപ്പോര്‍ട്ട് നല്‍കും. ഈ റിപ്പോര്‍ട്ട് നിര്‍ണ്ണായകമാകും.