മാനസിക വൈകല്യമുള്ള കുട്ടിയെ പീഡിപ്പിച്ച പോക്സോ കേസ് പ്രതി തൂങ്ങിമരിച്ച നിലയില്‍

കോഴിക്കോട്: കുറ്റിക്കാട്ടൂരില്‍ പോക്സോ കേസ് പ്രതിയെ തൂങ്ങി മരിച്ച നിലയില്‍ കണ്ടെത്തി. കുറ്റിക്കാട്ടൂര്‍ തെക്കേക്കണ്ടി മീത്തല്‍ സൈതലവി (75) ആണ് മരിച്ചത്. ഇന്ന് രാവിലെ എട്ടേകാലോടെയാണ് വീട്ടില്‍ തൂങ്ങി മരിച്ച നിലയില്‍ കണ്ടത്.

കഴിഞ്ഞ ഓഗസ്റ്റില്‍ മാനസിക വൈകല്യമുള്ള കുട്ടിയെ വീട്ടില്‍ വച്ച് ലൈംഗികാതിക്രമതതിന് ഇരയാക്കിയ ഇയാളെ അറസ്റ്റ് ചെയ്തിരുന്നു. കോഴിക്കോട് മെഡിക്കല്‍ കോളജ് പൊലീസ് റജിസ്റ്റര്‍ ചെയ്ത കേസില്‍ ജാമ്യത്തിലിറങ്ങിയതായിരുന്നു സൈതലവി.