കണ്ണൂരില്‍ റോഡു മുറിച്ച് കടക്കവെ കാറിടിച്ച് ക്ഷീര കര്‍ഷക മരിച്ചു

കണ്ണൂര്‍:പഴയങ്ങാടി എരിപുരത്ത് റോഡു മുറിച്ചു കടക്കവെകാറിടിച്ച് വഴിയാത്രക്കാരി ദാരുണമായി മരിച്ചു. ക്ഷീര കര്‍ഷകയായ വി.വി.ഭാനുമതി(58) യാണ് മരിച്ചത്. വെള്ളിയാഴ്ച്ച രാവിലെയായിരുന്നു അപകടം. സൊസൈറ്റിയില്‍ പാല്‍ വിതരണം കഴിഞ്ഞ് റോഡ് മുറിച്ച് കടക്കവെ യായിരുന്നു അപകടം. ഇടിയുടെ ആഘാതത്തില്‍ സ്ത്രീയെ 200 മീറ്ററോളം വലിച്ചിഴച്ചാണ് കാര്‍ നിന്നത്.

ഭര്‍ത്താവ്: വിശ്വനാഥന്‍.

മക്കള്‍: ലേജു,ലേഖ, ലതിക,ലിജേഷ്. മരുമക്കള്‍: കെ.വി.സന്തോഷ്‌കുമാര്‍(കുഞ്ഞിമംഗലം), എം.വി.സന്തോഷ്‌കമാര്‍(മാതമംഗലം), ഷാമിനി(പയ്യന്നൂര്‍).

സഹോദരങ്ങള്‍:മണി(നീലേശ്വരം) പരേതരായ മധുസൂദനന്‍ , സുധാകരന്‍.

വൈകുന്നേരം 4.30 ന് പൊതുദര്‍ശനത്തിന് ശേഷം സംസ്‌കാരം വൈകിട്ട് ആറു മണിക്ക് മാടായിപ്പാറ പൊതുശ്മശാനത്തില്‍ നടക്കും.