വാടക വീട് കേന്ദ്രീകരിച്ച് എംഡിഎംഎ വില്‍പ്പന; 3.3 ഗ്രാം എംഡിഎംഎയുമായി പ്രതി അറസ്റ്റില്‍
വാടക വീട് കേന്ദ്രീകരിച്ച് എംഡിഎംഎ വില്‍പ്പന; 3.3 ഗ്രാം എംഡിഎംഎയുമായി പ്രതി അറസ്റ്റില്‍
മലപ്പുറം: വാടക വീട് കേന്ദ്രീകരിച്ച് എംഡിഎംഎ വില്‍പ്പന നടത്തിവന്നയാളെ നിലമ്പൂര്‍ പൊലീസും ഡാന്‍സാഫും ചേര്‍ന്ന് പിടികൂടി. മമ്പാട് മേപ്പാടം കൂളിക്കല്‍ സ്വദേശി പുതുമാളിയേക്കല്‍ നൗഷാദിനെയാണ് എസ്ഐ ടി.പി. മുസ്തഫ അറസ്റ്റു ചെയ്തത്. 3.3 ഗ്രാം എംഡിഎംഎയും ഇയാളുടെ പക്കല്‍ നിന്നും പോലിസ് കണ്ടെടുത്തു. ബെംഗളൂരുവില്‍ നിന്ന് കൊണ്ടുവരുന്ന എംഡിഎംഎ ഗ്രാമിന് 3000 രൂപ നിരക്കിലാണ് ഇയാള്‍ വില്‍പ്പന നടത്തിയിരുന്നതെന്ന് പൊലീസ് പറഞ്ഞു.
നിലമ്പൂര്‍ ഡിവൈഎസ്പി സാജു.കെ.അബ്രഹാമിന് ലഭിച്ച രഹസ്യവിവരത്തെ തുടര്‍ന്ന് നിലമ്പൂര്‍ പൊലീസും ഡാന്‍സാഫും ചേര്‍ന്ന് കഴിഞ്ഞ ദിവസം രാവിലെ പത്ത് മണിയോടെയാണ് നൌഷാദിനെ അററസ്റ്റ് ചെയ്തത്. മേപ്പാടം കൂളിക്കല്‍ എന്ന സ്ഥലത്ത് പ്രതി കുടുംബസമേതം താമസിക്കുന്ന വാടക വീട്ടില്‍ നടത്തിയ പരിശോധനയിലാണ് എംഡിഎംഎ കണ്ടെടുത്ത്.
മയക്ക്മരുന്ന് തൂക്കുന്നതിനുള്ള ഇലക്ട്രോണിക് ത്രാസും കണ്ടെടുത്തു. പ്രതിയെ നിലമ്പൂര്‍ കോടതിയില്‍ ഹാജരാക്കി. സിപിഒ സുജിയും ഡാന്‍സാഫ് അംഗങ്ങളായ എന്‍.പി. സുനില്‍, അഭിലാഷ് കൈപ്പിനി, കെ.ടി.ആശിഫ് അലി, ടി.നിബിന്‍ദാസ്, ജിയോ ജേക്കബ് എന്നിവരും ചേര്‍ന്നാണ് പ്രതിയെ പിടികൂടിയത്.
