ടൂറിസ്റ്റ് ബസ്സും ബൈക്കും കൂട്ടിയിടിച്ച് വിദ്യാര്‍ത്ഥി മരിച്ചു; ഒപ്പമുണ്ടായിരുന്ന പെണ്‍സുഹൃത്തിന് പരിക്ക്

ചേര്‍ത്തല: ടൂറിസ്റ്റ് ബസ്സും ബൈക്കും കൂട്ടിയിടിച്ച് വിദ്യാര്‍ത്ഥി മരിച്ചു. എസ്എന്‍ പുരം എസ്എന്‍ ട്രസ്റ്റ് ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിയാണ് മരിച്ചത്. ഒപ്പമുണ്ടായിരുന്ന പെണ്‍സുഹൃത്തിന് പരുക്കേറ്റു. മണ്ണഞ്ചേരി പഞ്ചായത്ത് ഒന്നാം വാര്‍ഡ് വളവനാട് ചേറുവെളി സജിമോന്‍-ലിജിമോള്‍ ദമ്പതികളുടെ മകന്‍ അജയ്(19) ആണ് മരിച്ചത്.

ചേര്‍ത്തല താലൂക്ക് താലൂക്ക് ഓഫീസിന് സമീപത്ത് ഞായറാഴ്ച 12 മണക്കായിരുന്നു അപകടം. ബസ് വരുന്നതുകണ്ട് ബൈക്ക് ബ്രേക്ക് ചെയ്‌തെങ്കിലും ബസ്സിന് അടിയിലേക്ക് ബൈക്ക് തെന്നി വീഴുകയായിരുന്നു. പരിക്കേറ്റ പെണ്‍കുട്ടി ആലപ്പുഴ മെഡിക്കല്‍ കോളേജില്‍ ചികിത്സയിലാണ്. അക്ഷയ് ആണ് അജയുടെ സഹോദരന്‍. പാതിരപ്പള്ളി പാംഫൈര്‍ കയര്‍ കമ്പനിയിലെ ജീവനക്കാരനാണ് സജിമോന്‍.